Насыблыны баласы кюн кюнден да баш болур, насыбсызны баласы, кюн кюнден да джаш болур.
Тас болгъан бычакъны сабы – алтын.
Ач къарынны, токъ билмез
Юйлю уругъа ит чабмаз.
Уллу сёзде уят джокъ.
Эте билген, этген этеди, эте билмеген, юретген этеди!
Зар адам ашынгы ашар, кесинги сатар.
Кюлме джашха – келир башха.
Ханы къызы буюгъа-буюгъа киштик болду.
Уллу сёлешме да, уллу къаб.
Таякъ этден ётер, тил сюекден ётер.
Ана къойну – балагъа джандет.
Намыс сатылыб алынмайды.
Къыз келсе, джумуш эте келеди, къатын келсе, ушакъ эте келеди.
Джашны джигитлиги сорулур, къызны джигерлиги сорулур.
Джангыз торгъай джырламаз.
Керек ташны ауурлугъу джокъ.
Гугурук къычырмаса да, тангны атары къалмаз.
Сангырау къулакъ эл бузар.
Чакъырылмагъан къонакъ – орунсуз.
Шапа кёб болса, аш татымсыз болур.
Джыгъылгъанны сырты джерден тоймаз.
Эшекни не къадар тюйсенг да, ат болмаз.
Уллу суу бла уллу ауруудан башынгы сакъла.
Бёрю да ач къалмасын, эчки да ашалмасын.
Биреу къой излей, биреу той излей.
Дуния малгъа сатылма, кесингден телиге къатылма.
Эркиши – от, тиширыу – суу.
Мухардан ач ычхынмаз.
Адамны аты башхача, акъылы да башхады.
Ишлерге уял да, ашаргъа табма.
Чомартны къолун джокълукъ байлар.
Бет бетге къараса, бет да джерге къарар.
Чабакъгъа акъыл, табагъа тюшсе келеди.
Рысхы джалгъанды: келген да этер, кетген да этер.
Тамбла алтындан бюгюн багъыр ашхы.
Аман хансны – урлугъу кёб.
Къазанчы аман болса, къазаны къайнамаз.
Узун джолну барсанг, бюгюн келирсе, къысха джолну барсанг, тамбла келирсе.
Ётюрюкден тюбю джокъ, кёлтюрюрге джиби джокъ.
Къызгъанчдан ычхыныр, мухардан ычхынмаз.
Джаз бир кюнню джатсанг, къыш талай кюнню абынырса.
Сакъалы текени да бар, мыйыгъы киштикни да бар.
Окъугъанны бети джарыкъ.
Этни да ашады, бетни да ашады.
Соргъан айыб тюлдю, билмеген айыбды.
Чомарт джарлы болмаз.
Эркишиге тары кебек танг кёрюнюр.
Къызны минг тилер, бир алыр.
Аджаллыгъа окъсуз шкок атылыр.
