Харам къарнашдан, халал тенг ашхы.
Тюзлюк шохлукъну бегитир.
Бастасын ашагъан, хантусун да ичер.
Аджашханны ызындагъы кёреди, джангылгъанны джанындагъы биледи.
Игилик игилик бла сингдирилиучю затды.
Баш болса, бёрк табылыр.
Ётюрюкчюню шагъаты – къатында.
Акъыллы эркиши атын махтар, акъылсыз эркиши къатынын махтар.
Ачлыкъда тары гырджын халыуадан татлы.
Чалманны аллы къалай башланса, арты да алай барады.
Джаз бир кюнню джатсанг, къыш талай кюнню абынырса.
Байдан умут эте, джарлыдан ёгюз багъасы къорады.
Биреуге кёлтюрген таягъынг, кесинги башынга урур.
Байны къызы баймакъ болса да, юйде къалмаз!
Кёб ант этген, кёб ётюрюк айтыр.
Аз айтсам, кёб ангылагъыз.
Дуния малгъа сатылма, кесингден телиге къатылма.
Джырына кёре эжиую.
Кёб джат да, бек чаб.
Кёзю сокъурдан – къоркъма, кёлю сокъурдан – къоркъ.
Магъанасыз сёз – тауушсуз сыбызгъы.
Ёлген ийнек сютлю болур.
Ата джурт – алтын бешик.
Бозанг болмагъан джерге, къалагъынгы сукъма.
Мал ёлсе, сюек къалыр, адам ёлсе, иши къалыр.
Иги джашны ышаны – аз сёлешиб, кёб тынгылар.
Ёгюзню мюйюзюнден тутадыла, адамны сёзюнден тутадыла.
Ачлыкъ отха секиртир.
Байлыкъдан саулукъ ашхыды.
Джиби бир къат джетмей эди да, эки къат тарта эди.
Аууздан келген, къолдан келсе, ким да патчах болур эди.
Къонагъынгы артмагъын алма да, алгъышын ал.
Кёбден умут этиб, аздан къуру къалма.
Зар адам ашынгы ашар, кесинги сатар.
Агъач халкъгъа алтынды, иссиликге салкъынды.
Эллинг бла джау болсанг да, юйюнг бла джау болма.
Ауругъаннга – кийик саулукъ, джетген къызгъа – чилле джаулукъ.
Адамны сыфатына къарама, сёзюне къара.
Джолунга кёре – джюрюшюнг, джагъанга кёре – юлюшюнг.
Кёл ашады да, кеси ашады.
Уллу айтханны этмеген – уллаймаз.
Иги бла джюрюсенг, джетерсе муратынга, аман бла джюрюсенг, къалырса уятха.
Тилчи тилден къаныкъмаз.
Биреуге аманлыкъ этиб, кесинге игилик табмазса.
Кёкдеги болмаса, джердегин кёрмейди.
Джарашыу сюйген – джалынчакъ.
Малны кют, джерни тюрт.
Кёлю джокъну – джолу джокъ.
Рысхы – насыбха къор.
Бетинги сатма, малынгы сат.
