Хоншуну тауугъу къаз кёрюнюр, келини къыз кёрюнюр.
Къуру гыбыт бек дыгъырдар.
Аллахдан тилесенг, кёб тиле.
Къонакъ болсанг, ийнакъ бол.
Юй кюйдю да, кюйюз чыкъды, ортасындан тюйюш чыкъды.
Кёлсюзден сёзсюз тууар.
Ата Джуртун танымагъан, атасын да танымаз.
Джаш болсун, къыз болсун, акъылы, саны тюз болсун.
Окъуусуз билим – джокъ, билимсиз кюнюнг – джокъ.
Сыфатында болмагъаны, суратында болмаз.
Къууут – джелге, берне – бошха.
Ачылгъан эт джабылыр, кёрген кёз унутмаз.
Юйюнгден чыкъдынг – кюнюнгден чыкъдынг.
Билими азны – ауузунда кирит.
Тойгъан антын унутур.
Байма, деб да, къууанма, джарлыма, деб да, джылама.
Ач – эснер, ат – кишнер.
Джюз элде джюз ёгюзюм болгъандан эсе, джюз джууугъум болсун.
Ачлыкъ отха секиртир.
Ишни ахырын ойламай, аллын башлама.
Накъырда – кертини келечиси.
Кёпюр салгъан кеси ётер, уру къазгъан кеси кетер.
Аууз сакълагъан – джан сакълар.
Татлы сёз – балдан татлы.
Намысы болмагъанны, сыйы болмаз.
Ишленмеклик адамлыкъды.
Айыбны суу бла джууалмазса.
Чомартха хар кюн да байрамды.
Тыш элде солтан болгъандан эсе, кесинги элде олтан болгъан игиди!
Ашхы атаны – джашы ашхы, ашхы ананы – къызы ашхы.
Эркишини аманы тиширыуну джылатыр.
Къарнынг тойгъунчу аша да, белинг талгъынчы ишле.
Къарнынг къанлынга кийирир.
Ачлыкъда тары гырджын халыуадан татлы.
Эки элинги тыйсанг, джети элде махталырса.
Бал ашаргъа сюе эсенг, чибин ургъаннга тёз.
Чакъырылмагъан къонакъ тёрге атламаз.
Чыбыкълыкъда бюгюлмеген, къазыкълыкъда бюгюлмей эди.
Булут кёкге джарашыу, уят бетге джарашыу.
Хата – гитчеден.
Къыз келсе, джумуш эте келеди, къатын келсе, ушакъ эте келеди.
Арба аугъандан сора, джол кёргюзтюучю кёб болур.
Джаным-тиним – окъуу, билим.
Сёз сёзню айтдырыр.
Аманны къуугъан, аманлыкъ табар.
Элге къуллукъ этмеген, элге ие болмаз.
Тамчы таш тешер.
Акъдан къара болмаз.
Башы джабылгъан челекге, кир тюшмез.
Джаш къарыу бла кючлю, къарт акъыл бла кючлю.
