Къоркъакъны кёзю экили кёрюр.
Чакъырылмагъан къонакъ къачан кетерин сормаз.
Ишлерге уял да, ашаргъа табма.
Айтхан сёзюне табылгъан.
Эл элде бирер малынг болгъандан эсе, бирер тенгинг болсун.
Ханы къызы буюгъа-буюгъа киштик болду.
Иги адамны бир сёзю эки болмаз.
Уллу атлама – абынырса, уллу къабма – къарылырса.
Тиширыусуз юй – отсуз от джагъа.
Тил – кесген бычакъ, сёз – атылгъан окъ.
Танг атмайма десе да, кюн къоярыкъ тюйюлдю.
Кёлсюзден сёзсюз тууар.
Аз сёлешген, къайгъысыз турур.
Кёбню кёрген – кёб билир.
Мухарны эси – ашарыкъда.
Тура эдим джата, къайдан чыкъды хата?
Тулпарлыкъ, билекден тюл – джюрекден.
Бир онгсуз адам адет чыгъарды, деб эштирик тюлсе.
Акъыллы – эл иеси, тели – эл баласы.
Акъыл бла адеб эгизледиле.
Тёрдеги кюлсе, эшикдеги ышарыр.
Зар адам ашынгы ашар, кесинги сатар.
Азыгъы аз, алгъа къабар, аты аман, алгъа чабар.
Зар адамны насыбы болмаз.
Намысы болмагъанны, сыйы болмаз.
Тынгылагъан тынгы бузар.
Джырчы ёлсе, джыры къалыр.
Къатын байлыкъны сюер, эр саулукъну сюер.
Туз, гырджын аша, тюзлюк бла джаша.
Ариу сёзде ауруу джокъ.
Эм уллу байлыкъ – джан саулукъ.
Тойгъан джерден туугъан джер игиди.
Татлы сёз – балдан татлы.
Кесинге джетмегенни, кёб сёлешме.
Бети къызарыучу адамны, джюреги харам болмаз.
Кёл – къызбай, къол – батыр.
Тёрде – темир таякълы, къаяда – чыпчыкъ аякълы.
Къыйынлы джети элни къайгъысын этер.
Ичимден чыкъды хата, къайры барайым сата?
Аурууну келиую тынч, кетиую – къыйын.
Адебни адебсизден юрен.
Тил – миллетни джаны.
Магъанасыз сёз – тауушсуз сыбызгъы.
Суу да къайтады чыкъгъан джерине.
Ётген ёмюр – акъгъан суу.
Джан саулукъ бермей, сан саулукъ бермезсе.
Къатын къылыкъсыз, эр тынчлыкъсыз.
Эринчекни эр алмаз, эр алса да, кёл салмаз, кёл салса да, кёб бармаз!
Окъугъан озар, окъумагъан тозар.
Этим кетсе да, сюегим къалыр.
