Къарнынг ауруса, ауузунгу тый
Эки итни арасына сюек атма, эки адамны арасында сёз чыгъарма.
Чомартха Тейри да борчлуду.
Къатын къылыкъсыз, эр тынчлыкъсыз.
Акъылсызны джууукъгъа алма, акъыллыны кенгнге салма.
Аякъларынгы джууургъанынга кёре узат.
Хазыр ашха – терен къашыкъ.
Эм уллу байлыкъ – джан саулукъ.
Джаралыны джастыгъында сау ёлюр.
Адамны сыфатына къарама, сёзюне къара.
Кёлсюзден сёзсюз тууар.
Байны къызы баймакъ болса да, юйде къалмаз!
Келинни – келгинчи, бёркню кийгинчи кёр.
Чакъырылгъанны аты, чакъырылмагъанны багъасы болур.
Ушамагъан – джукъмаз.
Хаухну атма, ёнгкючню сатма.
Баш болса, бёрк табылыр.
Чакъырылмагъан къонакъ къачан кетерин сормаз.
Мухар, кеси тойса да, кёзю тоймаз.
Терслик кетер, тюзлюк джетер.
Ишлемеген – тишлемез.
Биреуге аманлыкъ этиб, кесинге игилик табмазса.
Ёмюрлюк шохлукъну джел элтмез.
Къулакъдан эсе, кёзге ышан.
Бек анасы джыламаз.
Джыйырма къойну юч джыйырма эбзе кюте эди.
Къалгъан ишге къар джауар.
Кеси юйюмде мен да ханма.
Аджашханны ызындагъы кёреди, джангылгъанны джанындагъы биледи.
Адамны джюреги нени кёрюрге сюйсе, кёзю да аны кёрюрге ёч болады.
Ичимден чыкъды хата, къайры барайым сата?
Ашлыкъ – бюртюкден, джюн – тюкден.
Гугурук къычырмаса да, тангны атары къалмаз.
Къызны минг тилер, бир алыр.
Башы ишлегенни, ауузу да ишлер.
Ариу сёз – къылычдан джити.
Тил – кесген бычакъ, сёз – атылгъан окъ.
Магъанасыз сёз – тауушсуз сыбызгъы.
Ханнга да келеди хариблик.
Бет бетге къараса, бет да джерге къарар.
Кийимни бичсенг, кенг бич, тар этген къыйын тюлдю.
Аш хазыр болса, иш харам болур.
Кёб къычыргъандан – къоркъма, тынч олтургъандан – къоркъ.
Чомартха хар кюн да байрамды.
Айтылгъан буйрукъ, сёгюлмез
Къатыны харакетли болса, эри къымсыз болур.
Къралынгы – душмандан, башынгы от бла суудан сакъла.
Борчунг бар эсе, хурджунунга ойлаб узал.
Тас болгъан бычакъны сабы – алтын.
Ариу сёз аурууунгу алыр.
