Башы ишлегенни, ауузу да ишлер.
Азыгъы аз, алгъа къабар, аты аман, алгъа чабар.
Къыз тиширыу кеси юйюнде да къонакъды.
Аякъларынгы джууургъанынга кёре узат.
Аманнга алтын чыдамаз.
Джарлы эскисин джамаса, къууаныр.
Рысхысына кёре, джаш ёсер, къышлыгъына кёре, мал ёсер.
Сабий болмагъан джерде, мёлек болмаз.
Билим насыб берир, билим джолну керир.
Къралынгы – душмандан, башынгы от бла суудан сакъла.
Къулакъдан эсе, кёзге ышан.
Сабий кёргенин унутмаз.
Джарлыны эшигин махтагъан джабар.
Хансыз джомакъ болмаз.
Таукел адам тау тешер.
Термилгенинги табмазса, кюлгенинге тюберсе.
Дуния мал дунияда къалады.
Кёкдеги болмаса, джердегин кёрмейди.
Айранны сюйген, ийнек тутар.
Эринчекге кюн узун.
Джырчы ёлсе, джыры къалыр.
Бети къызарыучу адамны, джюреги харам болмаз.
Насыблы элин сюер, насыбсыз кесин сюер.
Тилде сюек болмаса да, сюек сындырыр.
Джети тилни билген джети кишиди.
Акъыл бла адеб эгизледиле.
Эл ауузу – элия.
Аман адам элни бир-бирине джау этер.
Алим болгъандан эсе, адам болгъан къыйынды.
Игилик игилик бла сингдирилиучю затды.
Къуллукъчума, деб махтанма, къуллукъ – хаух джамчыды!
Сыфатында болмагъаны, суратында болмаз.
Тура эдим джата, къайдан чыкъды хата?
Уясында не кёрсе, учханында аны этер.
Къанны къан бла джуума, аманны аман бла къуума.
Магъанасыз сёз – тауушсуз сыбызгъы.
Джерни букъусу кёкге къонмаз.
Эртде тургъан джылкъычыны эркек аты тай табар.
Къарын къуру болса, джюрек уру болур.
Урама да – ёледи, сатама да – келеди.
Бермеген къол, алмайды.
Ач къалгъандан, кеч къалгъан къолай.
Акъыллы эркиши атын махтар, акъылсыз эркиши къатынын махтар.
Сабийликде юретмесенг, уллу болса – тюзелмез.
Суугъа – таянма, джаугъа – ийнанма.
Джылар джаш, атасыны сакъалы бла ойнар.
Ауурну тюбю бла, дженгилни башы бла джюрюген.
Башланнган иш битер, къымылдагъан тиш тюшер.
Аджалсыз ёлюм болмаз.
Тюз сёз баргъан сууну тыяр.
