Тюзню ётмеги тюзде къалса да, тас болмаз.
Ата джурт – алтын бешик.
Уллу сёлешме да, уллу къаб.
Кёб ант этген, кёб ётюрюк айтыр.
Акъылсызны джууукъгъа алма, акъыллыны кенгнге салма.
Ёлюр джаннга, ёкюл джокъ.
Джан саулукъ бермей, сан саулукъ бермезсе.
Ауузу аманнга «иги», деме.
Бир абыннган – минг сюрюнюр.
Ётген ёмюр – акъгъан суу.
Къарнынг ауруса, ауузунгу тый
Аз сёлеш, кёб ишле.
Башы ишлегенни, ауузу да ишлер.
Ханнга да келеди хариблик.
Тамчы таш тешер.
Ауругъан – джашаудан умутчу.
Эр абынмай, эл танымаз.
Биреуге аманлыкъ этиб, кесинге игилик табмазса.
Айран тёгюлсе, джугъусу къалыр.
Олтуруб кёрюнмей эди да, ёрге туруб кёрюне эди.
Ишни аллы бла къууанма да, арты бла къууан.
Зар адамны насыбы болмаз.
Азыкълы ат арымаз, къатыны аман джарымаз.
Дууулдаса – бал чибин, къонса – къара чибин.
Сютню башын джалагъан къутулур, тюбюн ичген тутулур.
Адамны аманы адамны бети бла ойнар.
Джыйырма къойну юч джыйырма эбзе кюте эди.
Арба аугъандан сора, джол кёргюзтюучю кёб болур.
Ач – эснер, ат – кишнер.
Къартны бурнун сюрт да, оноугъа тут.
Огъурлуну сёзю – суу, огъурсузну сёзю – уу.
Джангыз торгъай джырламаз.
Магъанасыз сёз – тауушсуз сыбызгъы.
Адам туугъан джеринде, ит тойгъан джеринде.
Тилчиден кери бол.
Атынг аманнга чыкъгъандан эсе, джанынг тамагъынгдан чыкъсын.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Къоркъакъны кёзю экили кёрюр.
Халкъгъа джарагъан, джарлы къалмаз.
Aдам боллукъ, сыфатындан белгили.
Керек ташны ауурлугъу джокъ.
Суу ичген шауданынга тюкюрме.
Тыш элде солтан болгъандан эсе, кесинги элде олтан болгъан игиди!
Элге къуллукъ этмеген, элге ие болмаз.
Рысхысына кёре, джаш ёсер, къышлыгъына кёре, мал ёсер.
Адамны сабийин сюйген джюреги, бычакъча, джитиди.
Кёрмегеннге кебек – танг, битмегеннге сакъал – танг.
Минг тенг да азды, бир джау да кёбдю.
Биреуню къыйынлыгъы бла кесинге джол ишлеме.
Бет бетге къараса, бет да джерге къарар.
