Аджалсыз ёлюм болмаз.
Байны оноуу, джарлыгъа джарамаз.
Арбаз сайлама да, хоншу сайла.
Ёгюзню мюйюзюнден тутадыла, адамны сёзюнден тутадыла.
Кёб джашагъан – кёб билир.
Тойну къарнашы – харс, джырны къарнашы – эжиу.
Тыш элде солтан болгъандан эсе, кесинги элде олтан болгъан игиди!
Эл ауузу – элек, анга ийнаннган – халек.
Билим ат болуб да чабар, къуш болуб да учар.
От кюйдюрген, сау болса да, тот кюйдюрген, сау болмаз.
Окъугъан – асыу, окъумагъан – джарсыу.
Байлыкъ адамны сокъур этер.
Сагъышы джокъ – джукъучу, акъылы джокъ – къаугъачы.
Кёбден умут этиб, аздан къуру къалма.
Иесиз малны бёрю ашар.
Бёрю да ач къалмасын, эчки да ашалмасын.
Мал кёб болса, джууукъ кёб болур.
Ишни аллы бла къууанма да, арты бла къууан.
Иги адам абынса да, джангылмаз.
Джыланны къуйругъундан басарынг келсе, аны башы болгъанын унутма.
Джарлы джети элни сёзюн этер.
Айныгъанлы алты кюн, тогъайгъанлы тогъуз кюн.
Ёлюр джаннга, ёкюл джокъ.
Намыс сатылыб алынмайды.
Ургъан суудан башынгы сакъла.
Къайтырыкъ эшигинги, къаты уруб чыкъма.
Ариу сёз – къылычдан джити.
Сёз къанатсыз учар.
Ач – эснер, ат – кишнер.
Ана – юйню кюн джарыгъы.
Ашаса, ашамаса да, бёрюню ауузу – къан.
Джогъун бар этген, барын бал этген.
Аш хазыр болса, иш харам болур.
Келгинчи, къонакъ уялыр, келгенден сора, къонакъбай уялыр.
Келлик заман – къартлыкъ келтирир, кетген заман – джашлыкъ ёлтюрюр.
Къызын тута билмеген, тул этер, джашын тута билмеген, къул этер.
Ата – билек, ана – джюрек!
Кесинг сынамагъан затны, адамгъа буюрма.
Адамны артындан къара сабан сюрме.
Таукел тауну аудурур.
Аман адам этегингден тутса, кес да къач.
Бал ашаргъа сюе эсенг, чибин ургъаннга тёз.
Хантына кёре тузу, юйюне кёре къызы.
Билеги кючлю, бирни джыгъар, билими кючлю, мингни джыгъар.
Къартха ушагъан джаш – акъыллы, джашха ушагъан къарт – тели.
Этни бети бла шорпасы.
Арбаз къынгырды да, ийнек сауалмайма.
Суугъа – чабакъ, къаягъа – ыргъакъ.
Чыкълы кюнде чыкъмагъан, чыкъса къуру кирмеген.
Къарны аманнга къазан такъдырма, къолу аманнга от джакъдырма.
