Магъанасыз сёз – тауушсуз сыбызгъы.
Ишленмеклик адамлыкъды.
Аман къатын сабий табса, бий болур…
Хар зат кесини орнуна иги.
Кесинг сынамагъан затны, адамгъа буюрма.
Башсыз урчукъ тюзюне айланмаз.
Къарт айтханны этмеген, къартаймаз.
Адамны бетине къарама, адетине къара.
Чомартны къолу берекет.
Иги сёз – джаннга азыкъ, аман сёз башха – къазыкъ.
Сангырау къулакъ эл бузар.
Тау башында, тау болмаз, джангыз терек, бау болмаз.
Джигер – джаннга къыйынлыкъ.
Адамны адамлыгъы къыйынлыкъда айгъакъланады.
Акъыллы – эл иеси, тели – эл баласы.
Ёзденликни джайгъан – джокълукъ.
Джаз бир кюнню джатсанг, къыш талай кюнню абынырса.
Аманны эки битли тону болур, бирин сеннге кийдирир, бирин кеси киер.
Хата – гитчеден.
Биреу къой излей, биреу той излей.
Ач къарным, тынч къулагъым.
Иги – алгъыш этер, аман – къаргъыш этер.
Джаралыны джастыгъында сау ёлюр.
Окъуу – билимни ачхычы, окъуу – дунияны бачхычы.
Билими азны – ауузунда кирит.
Бети – къучакълар, джюреги – бычакълар.
Тулпарлыкъ, билекден тюл – джюрекден.
Суугъа – таянма, джаугъа – ийнанма.
Таукел адам тау тешер.
Атынг аманнга чыкъгъандан эсе, джанынг тамагъынгдан чыкъсын.
Айырылмаз джууугъунга, унутмаз сёзню айтма.
Кирсизни – саны таза, халалны – къаны таза.
Дууулдаса – бал чибин, къонса – къара чибин.
Соргъан айыб тюлдю, билмеген айыбды.
Артына баргъанны, къатына барма.
Садакъачыны джаны – къапчыгъында.
Чабар ат – джетген къыз.
Сютню башын джалагъан къутулур, тюбюн ичген тутулур.
Къыз чыгъаргъан – къызыл къымжа.
Къобан да къуру да къобханлай турмайды, адам да къуру да патчахлай турмайды.
Кёзю сокъурдан – къоркъма, кёлю сокъурдан – къоркъ.
Окъугъан – асыу, окъумагъан – джарсыу.
Акъылсызны джууукъгъа алма, акъыллыны кенгнге салма.
Арбаз сайлама да, хоншу сайла.
Акъыл бла адеб эгизледиле.
Ашына кёре табагъы, балына кёре къалагъы.
Къалгъан ишге къар джауар.
Кёб джашагъан – кёб билир.
Джырына кёре эжиую.
Билмегенинги, билгеннге сор.
