Аманнга игилик этсенг, юйюнге сау бармазса.
Къазанда болса, чолпугъа чыгъар.
Юйюнг бла джау болгъандан эсе, элинг бла джау бол.
Ёлген аслан – сау чычхан.
Айныгъанлы алты кюн, тогъайгъанлы тогъуз кюн.
Кирсизни – саны таза, халалны – къаны таза.
Кёкдеги болмаса, джердегин кёрмейди.
Адеб джокъда, намыс джокъ.
Байны къызы баймакъ болса да, юйде къалмаз!
Насыблы элин сюер, насыбсыз кесин сюер.
Ана къойну – балагъа джандет.
Тойчу джашха къарама, къойчу джашха къара.
Бойнуму джети джерден кессенг да, мен ол ишни этеллик тюлме.
Тас болгъан бычакъны сабы – алтын.
Аман адам этегингден тутса, кес да къач.
Нёгер болсанг, тенг бол, тенг болмасанг, кенг бол.
Терслик кетер, тюзлюк джетер.
Къаллай салам берсенг, аллай джууаб алырса.
Тёрдеги кюлсе, эшикдеги ышарыр.
Аман киши кеси юйюнде – къонакъ.
Эрни эр этерик да, къара джер этерик да, тиширыуду.
Къыйынлы джети элни къайгъысын этер.
Эринчекни аурууу – кёб.
Аманнга алтын чыдамаз.
Харам къарнашдан, халал тенг ашхы.
Къызны минг тилер, бир алыр.
Аджашханны ызындагъы кёреди, джангылгъанны джанындагъы биледи.
Эркишиге тары кебек танг кёрюнюр.
Кечеси – аяз, кюню – къыш, джарлы къаргъагъа бир аш тюш!
Игини сыйлагъан адетди.
Аз сёлеш, кёб ишле.
Джашынгы кесинг юретмесенг, джашау юретир.
Къазанчы аман болса, къазаны къайнамаз.
Джашлыкъ этмеген, башлыкъ этмез.
Тамчы таш тешер.
Чакъырылгъанны аты, чакъырылмагъанны багъасы болур.
Къумурсхала джыйылсала, пилни да джыгъадыла.
Алтыннга тот къонмаз.
Шапа кёб болса, аш татымсыз болур.
Урунуу – насыбны анасы.
Билмезни кёзю кёрмез, этмезни къулагъы эшитмез.
Къыз чыгъаргъан – къызыл къымжа.
Ач къалгъандан, кеч къалгъан къолай.
Джырчы джырчыгъа – къарнаш.
Уясында не кёрсе, учханында аны этер.
Оюмсуз атлагъан, аджалсыз ёлюр.
Ашда уялгъан – мухар, ишде уялгъан – хомух.
Ауузу бла къуш тута айланады.
Тойгъандан сора, ашны сёкме.
Ашатыргъа иш – ашхы, ишлетирге аш – ашхы.
