Къартны бурнун сюрт да, оноугъа тут.
Сууда джау джокъ, кёб сёзде магъана джокъ.
Асхат ашлыкъ сата, юйдегиси ачдан къата.
Насыб бютеу халкъны юлюшюдю.
Къазанчы аман болса, къазаны къайнамаз.
Кимни – тили, тиши онглу, кимни – къолу, иши онглу.
Ат да турмайды бир териде.
Артына баргъанны, къатына барма.
Ёмюрлюк шохлукъну джел элтмез.
Уллу сёзде уят джокъ.
Къулакъдан эсе, кёзге ышан.
Босагъа таш юйге кирмей эди, тыбыр таш эшикге чыкъмай эди.
Бал ашаргъа сюе эсенг, чибин ургъаннга тёз.
Джан саулукъ бермей, сан саулукъ бермезсе.
Чомартны къолу берекет.
Бермеген къол, алмайды.
Къан бла кирген, джан бла чыгъар.
Кеси юйюмде мен да ханма.
Ачылгъан эт джабылыр, кёрген кёз унутмаз.
Айран тёгюлсе, джугъусу къалыр.
Тойчу джашха къарама, къойчу джашха къара.
Айран ичген – къутулду, джугъусун джалагъан – тутулду.
Телиге акъыл салгъандан эсе, ёлгеннге джан салырса.
Нарт сёз къарт болмаз.
Бек ашыкъгъан меннге джетсин, дегенди аракъы.
От кюйдюрген, сау болса да, тот кюйдюрген, сау болмаз.
Эл элде бирер малынг болгъандан эсе, бирер тенгинг болсун.
Чабакъсыз кёлге къармакъ салгъанлыкъгъа, чабакъ тутмазса.
Мадар болса, къадар болур.
Къарнынг тойгъунчу аша да, белинг талгъынчы ишле.
Ёлген ийнек сютлю болур.
Акъыл неден да кючлюдю.
Джангызны оту джарыкъ джанмаз!
Ёпкелегенни ашы татлы болады.
Джашда акъыл джокъ, къартда къарыу джокъ.
Айраннга суу къош, телиге джол бош.
Чабакъ башындан чирийди.
Нарт сёз – тилни бети.
Бичгенде ашыкъма, тикгенде ашыкъ.
Джыланны къуйругъундан басарынг келсе, аны башы болгъанын унутма.
Тин – байлыгъынг, терен саулугъунг.
Келгинчи, къонакъ уялыр, келгенден сора, къонакъбай уялыр.
Билгенни къолу къарны джандырыр.
Шекер бла туз – бир болмаз, ушамагъан – юй болмаз.
Хар сёзню орну барды.
Эрни эр этерик да, къара джер этерик да, тиширыуду.
Гитче джилтин уллу элни джандырыр.
Къралынгы – душмандан, башынгы от бла суудан сакъла.
Адам къаллай бир ишленмесе, аллай бир кесин уллу кёреди.
Иги – алгъыш этер, аман – къаргъыш этер.
