- Тёрде – темир таякълы, къаяда – чыпчыкъ аякълы.
- Къатын къылыкъсыз, эр тынчлыкъсыз.
- Джуртун къоругъан озар.
- Джырчы ёлсе, джыры къалыр.
- Кийимни бичсенг, кенг бич, тар этген къыйын тюлдю.
- Джылыгъа джылан илешир.
- Ата Джуртун танымагъан, атасын да танымаз.
- Ашына кёре табагъы, балына кёре къалагъы.
- Чарсда алчыны эл кёреди.
- Тай асырагъан, атха минер.
- Эртде тургъан бла эртде юйленнген сокъуранмаз.
- Уллу айтханны этмеген – уллаймаз.
- Ашаса, ашамаса да, бёрюню ауузу – къан.
- Джангыз терек къынгыр ёсер.
- Джарашыу сюйген – джалынчакъ.
- Баргъанынга кёре болур келгенинг.
- Эшекге миннген – биринчи айыб, андан джыгъылгъан – экинчи айыб.
- Сёз – кюмюш, джыр – алтын.
- Нарт сёз – тилни бети.
- Джарлы тюеге минсе да, ит къабар.
- Алтыда кюлмеген, алтмышда кюлмез.
- Алим болгъандан эсе, адам болгъан къыйынды.
- Намыс болмагъан джерде, насыб болмаз.
- Джюз элде джюз ёгюзюм болгъандан эсе, джюз джууугъум болсун.
- Кюлме джашха – келир башха.
- Ётюрюкню къуйругъу – бир тутум.
- Бал чибинни ургъаны – ачы, балы – татлы.
- Ач къарным, тынч къулагъым.
- Ач да бол, токъ да бол – намысынга бек бол.
- Зарда марда джокъ.
- Джукъу тёшек сайламайды.
- Айтханы чапыракъдан ётмеген.
- Эл бла кёргенинг эрелей.
- Мал ёлсе, сюек къалыр, адам ёлсе, иши къалыр.
- Ауузу аманнга «иги», деме.
- Къан бла кирген, джан бла чыгъар.
- Ашыкъгъанны этеги бутуна чырмалыр.
- Къызны минг тилер, бир алыр.
- Чыкълы кюнде чыкъмагъан, чыкъса къуру кирмеген.
- Окъугъанны бети джарыкъ.
- Чакъырылгъанны аты, чакъырылмагъанны багъасы болур.
- Aдам боллукъ, сыфатындан белгили.
- Биреуге аманлыкъны тилеме да, кесинге ашхылыкъны тиле.
- Ариу сёз аурууунгу алыр.
- Тойну къарнашы – харс, джырны къарнашы – эжиу.
- Арбаз сайлама да, хоншу сайла.
- Иги джашны ышаны – аз сёлешиб, кёб тынгылар.
- Бал – татлы, балдан да бала – татлы.
- Билмезни кёзю кёрмез, этмезни къулагъы эшитмез.
- Билими азны – ауузунда кирит.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)