- Кёбге таш атма.
- Суу кетер, таш къалыр.
- Ашхы тенг джолгъа салыр, аман тенг джолдан тайдырыр.
- Мухардан ач ычхынмаз.
- Джарлыны тону джаз битер.
- Иги адамны бир сёзю эки болмаз.
- Тюзлюк тас болмайды.
- Сабыр джетер муратха, сабырсыз къалыр уятха.
- Къонакъ аман болса, къонакъбай джунчур
- Джангызны оту джарыкъ джанмаз!
- Эри аманны, къатыны – аман.
- Тил – миллетни джаны.
- Сагъыш – къартлыкъгъа сюйюмчю.
- Тёрдеги кюлсе, эшикдеги ышарыр.
- Тойгъа барсанг, тоюб бар, эски тонунгу къоюб бар.
- Хантына кёре тузу, юйюне кёре къызы.
- Тилчи тилден къаныкъмаз.
- Ата Джуртуму башы болмасам да, босагъасында ташы болайым.
- Иги бла джюрюсенг, джетерсе муратынга, аман бла джюрюсенг, къалырса уятха.
- Эл ауузу – элия.
- Айран ичген – къутулду, джугъусун джалагъан – тутулду.
- Къарнынг ауруса, ауузунгу тый
- Джауумдан сора, кюн кюйдюрюр, ётюрюкден сора, айыб кюйдюрюр.
- Чомарт къонакъ юй иесин сыйлар.
- Джыланны къуйругъундан басарынг келсе, аны башы болгъанын унутма.
- Чакъырылмагъан джерге барма, чакъырылгъан джерден къалма.
- Аманнга да, игиге да оноусуз къатышма.
- Экеу тутушса, биреу джыгъылыр.
- Акъылсызны джууукъгъа алма, акъыллыны кенгнге салма.
- Ёлген эшек бёрюден къоркъмайды.
- Джылар джаш, атасыны сакъалы бла ойнар.
- Адам къыйынлыгъын кёлтюрюр, зауукълугъун кёлтюрмез.
- Таукел тауну аудурур.
- Кёзю сокъурдан – къоркъма, кёлю сокъурдан – къоркъ.
- Ургъан суудан башынгы сакъла.
- Аманнга алтын чыдамаз.
- Оюмсуз атлагъан, аджалсыз ёлюр.
- Аманнга игилик этсенг, юйюнге сау бармазса.
- Ёксюзню тилеги къабыл болур.
- Джигер – джаннга къыйынлыкъ.
- Къуру гыбыт бек дыгъырдар.
- Бек анасы джыламаз.
- Босагъагъа джууукъ орун болса, ашыгъыб тёрге озма.
- Алим болгъандан эсе, адам болгъан къыйынды.
- Кёзюнде тереги болгъан, чёбю болгъаннга кюле эди.
- Нёгерсизни джолу узун.
- Атлыны кёрсе, джаяуну буту талыр.
- Сагъышы джокъ – джукъучу, акъылы джокъ – къаугъачы.
- Билеги кючлю, бирни джыгъар, билими кючлю, мингни джыгъар.
- Башынга джетмегенни сорма.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)