- Къайгъыны сюйген, къайгъы табар.
- Мени джылытмагъан кюн, меннге тиймесин!
- Ёксюзню къалачы уллу кёрюнюр.
- Сёз сёзню айтдырыр.
- Ачны эсинде – аш.
- Эринчекни аурууу – кёб.
- Ётюрюкню къуйругъу – бир тутум.
- Кёбден умут этиб, аздан къуру къалма.
- Уллу суу бла уллу ауруудан башынгы сакъла.
- Адамны аты башхача, акъылы да башхады.
- Биреу ашаб къутулур, биреу джалаб тутулур.
- Къартха ушагъан джаш – акъыллы, джашха ушагъан къарт – тели.
- Чарсда алчыны эл кёреди.
- Тёрени джагъы джокъ.
- Абынмазлыкъ аякъ джокъ, джангылмазлыкъ джаякъ джокъ.
- Алгъанда – джууукъ, бергенде – джау.
- Джан саулукъ бермей, сан саулукъ бермезсе.
- Зарда марда джокъ.
- Ёгюзню мюйюзлери ауурлукъ этмейдиле.
- Кютгени беш эчки, сызгъыргъаны уа, джерни джарады.
- Олтуруб кёрюнмей эди да, ёрге туруб кёрюне эди.
- Намыс болмагъан джерде, насыб болмаз.
- Аманнга да, игиге да оноусуз къатышма.
- Таула не мийик болсала да, аууш табылыр.
- Аз айтсам, кёб ангылагъыз.
- Кёб ант этген, кёб ётюрюк айтыр.
- Джырчы джырчыгъа – къарнаш.
- Эм ашхы къайын ана мамукъ бла башынгы тешер.
- Урунуу – насыбны анасы.
- Рысхысына кёре, джаш ёсер, къышлыгъына кёре, мал ёсер.
- Керти сёзге тёре джокъ.
- Эр абынмай, эл танымаз.
- Игини сыйлагъан адетди.
- Джети тилни билген джети кишиди.
- Тюзлюк тас болмайды.
- Аджашхан тёгерек айланыр.
- Игилик игилик бла сингдирилиучю затды.
- Мал ёлсе, сюек къалыр, адам ёлсе, иши къалыр.
- Шапа кёб болса, аш татымсыз болур.
- Хансыз джомакъ болмаз.
- Биреуге аманлыкъ этиб, кесинге игилик табмазса.
- Бал – татлы, балдан да бала – татлы.
- Бети къызарыучу адамны, джюреги харам болмаз.
- Эл бла кёргенинг эрелей.
- Булут кёкге джарашыу, уят бетге джарашыу.
- Къонакъ кёб келюучю юйню, къазаны отдан тюшмез.
- Ёксюзню тилеги къабыл болур.
- Игиге айтсанг – билир, аманнга айтсанг – кюлюр.
- Иесиз малны бёрю ашар.
- Къызны минг тилер, бир алыр.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)