- Къуллукъчума, деб махтанма, къуллукъ – хаух джамчыды!
- Ариу сёзде ауруу джокъ.
- Зар адам ашынгы ашар, кесинги сатар.
- Ушамагъан – джукъмаз.
- Акъыллы – эл иеси, тели – эл баласы.
- Джан саулукъ бермей, сан саулукъ бермезсе.
- Къан бла кирген, джан бла чыгъар.
- Ачыкъ джюрекге джол – ачыкъ.
- Ишлегенде эринме, ишде чолакъ кёрюнме.
- Узун джолну барсанг, бюгюн келирсе, къысха джолну барсанг, тамбла келирсе.
- Сагъыш – къартлыкъгъа сюйюмчю.
- Къолунгдан къуймакъ ашатсанг да, атаны борчундан къутулмазса.
- Сибиртки да сыйлы болду, кюрек да кюнлю болду.
- Къайгъыны сюйген, къайгъы табар.
- Хазыр ашха – терен къашыкъ.
- Ёзденликни джайгъан – джокълукъ.
- Къызбайны юйюне дери сюрсенг, батыр болур.
- Адам туугъан джеринде, ит тойгъан джеринде.
- Джарлы эскисин джамаса, къууаныр.
- Юйюнгден чыкъдынг – кюнюнгден чыкъдынг.
- Игилик игилик бла сингдирилиучю затды.
- Насыб бютеу халкъны юлюшюдю.
- Джюз элде джюз ёгюзюм болгъандан эсе, джюз джууугъум болсун.
- Эллинг бла джау болсанг да, юйюнг бла джау болма.
- Аджалсыз ёлюм болмаз.
- Аууз сакълагъан – джан сакълар.
- Тилчи бир сагъатха айлыкъ хата этер.
- Джарашыу сюйген – джалынчакъ.
- Ашына кёре табагъы, балына кёре къалагъы.
- Экиндини кеч къылсанг, чабыб джетер ашхам.
- Тешик этген тынчды, аны джамагъан къыйынды.
- Таугъа чыгъаллыкъ эсенг, тюзде къалма.
- Дууулдаса – бал чибин, къонса – къара чибин.
- Сютню башын джалагъан къутулур, тюбюн ичген тутулур.
- Хар зат кесини орнуна иги.
- Сёз сёзню айтдырыр.
- От кюйдюрген, сау болса да, тот кюйдюрген, сау болмаз.
- Айран тёгюлсе, джугъусу къалыр.
- Бозаны арты дауур болур.
- Мухарны эси – ашарыкъда.
- Аууздан келген, къолдан келсе, ким да патчах болур эди.
- Ачылгъан эт джабылыр, кёрген кёз унутмаз.
- Соргъан айыб тюлдю, билмеген айыбды.
- Берекет берсин деген джерде, берекет болур.
- Окъугъанны бети джарыкъ.
- Атадан ёксюз – бир ёксюз, анадан ёксюз – эки ёксюз.
- Сёз къанатсыз учар.
- Аш берме да, къаш бер.
- Адамны аты башхача, акъылы да башхады.
- Къарнынг бла ёч алма.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)