- Джаханимни кёрмей, джандетге кёл салмазса.
- Джолунга кёре – джюрюшюнг, джагъанга кёре – юлюшюнг.
- Иги сёз – джаннга азыкъ, аман сёз башха – къазыкъ.
- Биреуге аманлыкъ этиб, кесинге игилик табмазса.
- Келинин тута билмеген, къул этер, къызын тута билмеген, тул этер.
- Рысхы джалгъанды: келген да этер, кетген да этер.
- Билим – акъылны чырагъы.
- Къаллай салам берсенг, аллай джууаб алырса.
- Байлыкъ адамны сокъур этер.
- Уясында не кёрсе, учханында аны этер.
- Элге къуллукъ этмеген, элге ие болмаз.
- Адебсиз адам – джюгенсиз ат.
- Адамны адамлыгъы къыйынлыкъда айгъакъланады.
- Джюз элде джюз ёгюзюм болгъандан эсе, джюз джууугъум болсун.
- Суу ичген шауданынга тюкюрме.
- Экиндини кеч къылсанг, чабыб джетер ашхам.
- Ашатыргъа иш – ашхы, ишлетирге аш – ашхы.
- Мухар, кеси тойса да, кёзю тоймаз.
- Кирсизни – саны таза, халалны – къаны таза.
- Эртде тургъан джылкъычыны эркек аты тай табар.
- Тюзню ётмеги тюзде къалса да, тас болмаз.
- Къайгъыны сюйген, къайгъы табар.
- Кёрмегеннге кебек – танг, битмегеннге сакъал – танг.
- Ачылгъан эт джабылыр, кёрген кёз унутмаз.
- Бети бедерден, намыс сакълама.
- Сёз къанатсыз учар.
- Айыбны суу бла джууалмазса.
- Кюл тюбюндеги от кёрюнмейди.
- Акъыл къартда, джашда тюйюлдю – башдады.
- Эрни эр этерик да, къара джер этерик да, тиширыуду.
- Кёл ашады да, кеси ашады.
- Атадан ёксюз – бир ёксюз, анадан ёксюз – эки ёксюз.
- Эр абынмай, эл танымаз.
- Эринчекни эр алмаз, эр алса да, кёл салмаз, кёл салса да, кёб бармаз!
- Чомартны къолун джокълукъ байлар.
- Хазыр ашха – терен къашыкъ.
- Дуния аламаты сен эсенг да, игиме деб айтма.
- Ашха уста, юйюнде болсун
- Сибиртки да сыйлы болду, кюрек да кюнлю болду.
- Тилчи тилден къаныкъмаз.
- Айранны сюйген, ийнек тутар.
- Окъуу – билимни ачхычы, окъуу – дунияны бачхычы.
- Джырына кёре эжиую.
- Нёгерсизни джолу узун.
- Намыс болмагъан джерде, насыб болмаз.
- Ашхы – джыяр, аман – джояр.
- Тойну къарнашы – харс, джырны къарнашы – эжиу.
- Къулакъдан эсе, кёзге ышан.
- Къонакъны къачан кетерин сорма, къачан келлигин сор.
- Къайтырыкъ эшигинги, къаты уруб чыкъма.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)