- Аллахдан тилесенг, кёб тиле.
- Тил – кесген бычакъ, сёз – атылгъан окъ.
- Киштикге къанат битсе, чыпчыкъ къалмаз эди.
- Джырчы джырчыгъа – къарнаш.
- Сыфатында болмагъаны, суратында болмаз.
- Минг тенг да азды, бир джау да кёбдю.
- Гыдай эчки суугъа къараб, мюйюзле кёрмесе, джашма алкъын, дегенди.
- Насыблыны баласы кюн кюнден да баш болур, насыбсызны баласы, кюн кюнден да джаш болур.
- Сагъышы джокъ – джукъучу, акъылы джокъ – къаугъачы.
- Адебни адебсизден юрен.
- Сёз – кюмюш, джыр – алтын.
- Къонакъны къачан кетерин сорма, къачан келлигин сор.
- Бичгенде ашыкъма, тикгенде ашыкъ.
- Сормай – алма, чакъырылмай – барма.
- Ата Джуртун танымагъан, атасын да танымаз.
- Къуру гыбыт бек дыгъырдар.
- Эллинг бла джау болсанг да, юйюнг бла джау болма.
- Эте билген, этген этеди, эте билмеген, юретген этеди!
- Кёл – къызбай, къол – батыр.
- Адамгъа аман кюн соруб келмейди.
- Тынгылагъан тынгы бузар.
- Кёбге таш атма.
- Тыш элде солтан болгъандан эсе, кесинги элде олтан болгъан игиди!
- Ёнгкюч къууана барыр, джылай келир.
- Къобан да къуру да къобханлай турмайды, адам да къуру да патчахлай турмайды.
- Алма терегинден кери кетмез.
- Кечеси – аяз, кюню – къыш, джарлы къаргъагъа бир аш тюш!
- Окъуу – билимни ачхычы, окъуу – дунияны бачхычы.
- Джаш къарыу бла кючлю, къарт акъыл бла кючлю.
- Таш ата билмеген, башына урур.
- Хар ишни да аллы къыйынды.
- Гугук кесини атын айтыб къычыргъанча, мен, мен деб нек тураса?
- Арпа, будай – ащды, алтын, кюмюш а – ташды.
- Ишни ахырын ойламай, аллын башлама.
- Джашынгы кесинг юретмесенг, джашау юретир.
- Бал чибинни ургъаны – ачы, балы – татлы.
- Аман къатын сабий табса, бий болур…
- Ариу сёз – джаннга азыкъ, аман сёз – башха къазыкъ.
- Сибиртки да сыйлы болду, кюрек да кюнлю болду.
- Ариу джол аджал келтирмез.
- Тас болгъан бычакъны сабы – алтын.
- Тенги кёбню джау алмаз, акъылы кёбню дау алмаз.
- Тиширыусуз юй – отсуз от джагъа.
- Ата Джуртуму башы болмасам да, босагъасында ташы болайым.
- Байдан умут эте, джарлыдан ёгюз багъасы къорады.
- Тойгъан джерге джети къайт.
- Къарнынг ауруса, ауузунгу тый
- Джиби бир къат джетмей эди да, эки къат тарта эди.
- Ушамагъан – джукъмаз.
- Ётюрюкчюню шагъаты – къатында.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)