- Насыблы элин сюер, насыбсыз кесин сюер.
- Сабий кёргенин унутмаз.
- Ёнгкюч къууана барыр, джылай келир.
- Ауурну тюбю бла, дженгилни башы бла джюрюген.
- Сакъламагъан затынга джолукъсанг, не бек къууанаса, не бек ачыйса.
- Сабийни джумушха джибер да, ызындан бар.
- Джарлы эскисин джамаса, къууаныр.
- Адеби болмагъан къыз – тузсуз хант.
- Телиге от эт десенг, юйюнге от салыр.
- Эм уллу байлыкъ – джан саулукъ.
- Ана – юйню кюн джарыгъы.
- Къонакъ аман болса, къонакъбай джунчур
- Сёз садакъдан кючлюдю.
- Башынга джетмегенни сорма.
- Ашаса, ашамаса да, бёрюню ауузу – къан.
- Тюз сёз баргъан сууну тыяр.
- Чыбыкълыкъда бюгюлмеген, къазыкълыкъда бюгюлмей эди.
- Тил – миллетни джаны.
- Ашыкъгъан cуу, тенгизге джетмез.
- Къарнынг ауруса, ауузунгу тый
- Болджал ишни бёрю ашар.
- Бозанг болмагъан джерге, къалагъынгы сукъма.
- Джангыз торгъай джырламаз.
- Чомартха хар кюн да байрамды.
- Элни кючю – эмеген.
- Кёб джат да, бек чаб.
- Ишин билген, аны сыйын чыгъарады.
- Ауругъаннга – кийик саулукъ, джетген къызгъа – чилле джаулукъ.
- Тёрдеги кюлсе, эшикдеги ышарыр.
- Билим къая тешер.
- Адамны адамлыгъы къыйынлыкъда айгъакъланады.
- Аман къатын алгъан, арыр, иги къатын алгъан джарыр.
- Ариу – кёзге, акъыл – джюрекге.
- Кёбден умут этиб, аздан къуру къалма.
- Экеулен сёлеше тура эселе, орталарына барыб кирме.
- Джюрекге ариу – кёзге да ариу.
- Уллу къазанда бишген эт, чий къалмаз.
- Мал тутхан – май джалар.
- Сёз къанатсыз учар.
- Рысхы – сют юсюнде кёмюк кибикди.
- Джан саулукъ бермей, сан саулукъ бермезсе.
- Ата Джуртча джер болмаз, туугъан элча эл болмаз.
- Къарт айтханны этмеген, къартаймаз.
- От кюйдюрген, сау болса да, тот кюйдюрген, сау болмаз.
- Чабакъ башындан чирийди.
- Орундукъ тюбюнде атылсам да, орта джиликме, де да айлан.
- Къошда джокъгъа – юлюш джокъ.
- Ишни ахырын ойламай, аллын башлама.
- Туз, гырджын аша, тюзлюк бла джаша.
- Арыгъан къош чамчы болур.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)