- Азыкъ аз болса, эртде орун сал.
- Ашына кёре табагъы, балына кёре къалагъы.
- Джогъун бар этген, барын бал этген.
- Ата – баланы уясы.
- Джуртун къоругъан озар.
- Чабакъгъа акъыл, табагъа тюшсе келеди.
- Ариу сёзде ауруу джокъ.
- Ётюрюкню къуйругъу – бир тутум.
- Ачлыкъда тары гырджын халыуадан татлы.
- Таукелге нюр джауар.
- Эртде тургъан джылкъычыны эркек аты тай табар.
- Джигер – джаннга къыйынлыкъ.
- Адамны бетине къарама, адетине къара.
- Кийим тукъум сордурур.
- Джиби бир къат джетмей эди да, эки къат тарта эди.
- Ата Джуртча джер болмаз, туугъан элча эл болмаз.
- Айыбны суу бла джууалмазса.
- Ичимден чыкъды хата, къайры барайым сата?
- Ханы къызы буюгъа-буюгъа киштик болду.
- Хунаны тюбюн къазсанг, юсюнге ауар.
- Бозаны арты дауур болур.
- Хар ишни да аллы къыйынды.
- Адамны сыфатына къарама, сёзюне къара.
- Эшекни не къадар тюйсенг да, ат болмаз.
- Чомартха хар кюн да байрамды.
- Экеулен сёлеше тура эселе, орталарына барыб кирме.
- Къарнынг бла ёч алма.
- Бир онгсуз адам адет чыгъарды, деб эштирик тюлсе.
- Тенгни тенглиги джашай барсанг билинир.
- Акъыл неден да кючлюдю.
- Ариуну – ауруу кёб.
- Ёлмесенг да, къарт дамы болмазса?
- Чалманны аллы къалай башланса, арты да алай барады.
- Нёгер болсанг, тенг бол, тенг болмасанг, кенг бол.
- Къуллукъчума, деб махтанма, къуллукъ – хаух джамчыды!
- Эки къатын алгъанны къулагъы тынгнгаймаз.
- Туз, гырджын аша, тюзлюк бла джаша.
- Этек чакъмакълары баш джаргъан, сёлешген сёзлери таш джаргъан.
- Сакъалы текени да бар, мыйыгъы киштикни да бар.
- Атлыны ашхысы, ат тизгининден билинир
- Джарлы эскисин джамаса, къууаныр.
- Ёксюзню тилеги къабыл болур.
- Ишлегенде эринме, ишде чолакъ кёрюнме.
- Ач уят къоймаз.
- Къонакъ болсанг, ийнакъ бол.
- Джангызны оту джарыкъ джанмаз!
- Берекет берсин деген джерде, берекет болур.
- Биреуню эскиси биреуге джангы болмайды.
- Алим болгъандан эсе, адам болгъан къыйынды.
- Айран ичген – къутулду, джугъусун джалагъан – тутулду.
Келигиз тауча жырла жырлайыкъ!
09.02.2006 16:17:12
гы.... в 3 куплете ....вот это "къалаеседа" не в тему))) это я с версией Байрамукова спутала... у него чуток замудренней))
|
|
|
|
Читают тему (гостей: 1)