Аман киши кеси юйюнде – къонакъ.
Кёбден умут этиб, аздан къуру къалма.
Кесинге джетмегенни, кёб сёлешме.
«Ма», - дегенни билмесенг, «бер», - дегенни билмезсе.
Тойгъан джерге джети къайт.
Къызбайны юйюне дери сюрсенг, батыр болур.
Биреуню тёрюнден, кесинги эшик артынг игиди.
Джумушакъ терекни къурт ашар.
Термилгенинги табмазса, кюлгенинге тюберсе.
Эринчекге кюн узун.
Берекет берсин деген джерде, берекет болур.
Джырчы ёлсе, джыры къалыр.
Ашхылыкъ джерде джатмайды, аманлыкъ суугъа батмайды.
Тилсиз миллет джокъ болур.
Аз сёлеш, кёб ишле.
Аман адам элни бир-бирине джау этер.
Ауузу бла къуш тута айланады.
Кёбню кёрген – кёб билир.
Джерни букъусу кёкге къонмаз.
Чакъырылмагъан къонакъ тёрге атламаз.
Ат да турмайды бир териде.
Кюлме джашха – келир башха.
Бал – татлы, балдан да бала – татлы.
Аманны къуугъан, аманлыкъ табар.
Къууут – джелге, берне – бошха.
Тенгни тенглиги джашай барсанг билинир.
Ариу сёз джыланны орнундан чыгъарыр.
Юйюнг бла джау болгъандан эсе, элинг бла джау бол.
Ашаса, ашамаса да, бёрюню ауузу – къан.
Тыш элде солтан болгъандан эсе, кесинги элде олтан болгъан игиди!
Таш бла ургъанны, аш бла ур.
Къолунгдан къуймакъ ашатсанг да, атаны борчундан къутулмазса.
Суу да къайтады чыкъгъан джерине.
Эрине къаргъыш этген къатын, эрнин къабар.
Ётюрюкню башын керти кесер.
Тойчу джашха къарама, къойчу джашха къара.
Халкъгъа джарагъан, джарлы къалмаз.
Юреннген ауруу къалмаз.
Намыс сатылыб алынмайды.
Узун джолну барсанг, бюгюн келирсе, къысха джолну барсанг, тамбла келирсе.
Къарт бла баш аша, джаш бла аякъ аша.
Бозанг болмагъан джерге, къалагъынгы сукъма.
Къралынгы – душмандан, башынгы от бла суудан сакъла.
Суу ичген шауданынга тюкюрме.
Тенгинг джокъ эсе – изле, бар эсе – сакъла!
Алгъанда – джууукъ, бергенде – джау.
Кирсизни – саны таза, халалны – къаны таза.
Кёлсюзден сёзсюз тууар.
Билим насыб берир, билим джолну керир.
Ашхы атаны – джашы ашхы, ашхы ананы – къызы ашхы.
))