Эшекге миннген – биринчи айыб, андан джыгъылгъан – экинчи айыб.
Элде адам къалмаса, ит тахтагъа минер.
Тин – байлыгъынг, терен саулугъунг.
Эркишиге тары кебек танг кёрюнюр.
Тас болгъан бычакъны сабы – алтын.
Къарт болгъан джерде, берекет болур, сабий болгъан джерде, оюн болур.
Айырылмаз джууугъунга, унутмаз сёзню айтма.
Ана къолу ачытмаз.
Сормай – алма, чакъырылмай – барма.
Дуния малгъа сатылма, кесингден телиге къатылма.
Аманны тукъумуна къарама, игини тукъумун сорма.
Джаш къарыу бла кючлю, къарт акъыл бла кючлю.
Къоркъакъны кёзю экили кёрюр.
От кюйдюрген, сау болса да, тот кюйдюрген, сау болмаз.
Магъанасыз сёз – тауушсуз сыбызгъы.
Ёгюзню мюйюзюнден тутадыла, адамны сёзюнден тутадыла.
Къазанчы аман болса, къазаны къайнамаз.
Агъач халкъгъа алтынды, иссиликге салкъынды.
Къатын байлыкъны сюер, эр саулукъну сюер.
Айтылгъан сёз ызына къайтмаз.
Окъдан джара эртде-кеч болса да бителир, сёз джара, ёмюрге къалыр.
Бойнуму джети джерден кессенг да, мен ол ишни этеллик тюлме.
Ашда – бёрю, ишде – ёлю.
Атлыны ашхысы, ат тизгининден билинир
Рысхы – насыбха къор.
Ишин билген, аны сыйын чыгъарады.
Адам туугъан джеринде, ит тойгъан джеринде.
Эски джаугъа ышанма.
Ашхы адам – халкъ байлыгъы, ашхы джер – джашау байлыгъы.
Кийимни бир кюнню аясанг, минг кюннге джарар.
Къарнынг тойгъунчу аша да, белинг талгъынчы ишле.
Баргъанынга кёре болур келгенинг.
Эл тойса, тоймагъан, эл къойса, къоймагъан.
Эр сокъур болсун, къатын тилсиз болсун.
Окъ къызбайны джокълайды.
Адамны аманы адамны бети бла ойнар.
Сакъалы текени да бар, мыйыгъы киштикни да бар.
Дууулдаса – бал чибин, къонса – къара чибин.
Термилгенинги табмазса, кюлгенинге тюберсе.
Джетген къыз джерли эшекни танымаз.
Байлыкъ тауусулур, билим тауусулмаз.
Иши джокъну, сыйы джокъ.
Башсыз урчукъ тюзюне айланмаз.
Орундукъ тюбюнде атылсам да, орта джиликме, де да айлан.
Тойну къарнашы – харс, джырны къарнашы – эжиу.
Ач отунчуну ачыуу – бурнунда.
Аманнга да, игиге да оноусуз къатышма.
Адамны адамлыгъы къыйынлыкъда айгъакъланады.
Чабакъгъа акъыл, табагъа тюшсе келеди.
Ётюрюкню къуйругъу – бир тутум.
))