Иги – алгъыш этер, аман – къаргъыш этер.
Аджашхан тёгерек айланыр.
Ашхы сёз таш тешер.
Акъыл къартда, джашда тюйюлдю – башдады.
Джашны джигитлиги сорулур, къызны джигерлиги сорулур.
Кенгеш болса, уруш болмаз.
Арба аугъандан сора, джол кёргюзтюучю кёб болур.
Джашынгы кесинг юретмесенг, джашау юретир.
Аджашханны ызындагъы кёреди, джангылгъанны джанындагъы биледи.
Aдам боллукъ, сыфатындан белгили.
Эр сокъур болсун, къатын тилсиз болсун.
Аманнга алтын чыдамаз.
Халкъны джырын джырласанг, халкъ санга эжиу этер.
Бойнуму джети джерден кессенг да, мен ол ишни этеллик тюлме.
Дженгил джетерикме деб, узун джолну къоюб, къысхасын барма.
Ойнай билмеген, уруб къачар.
Тенгни тенглиги джашай барсанг билинир.
Аманны къуугъан, аманлыкъ табар.
Сёз – кюмюш, джыр – алтын.
Эте билген, этген этеди, эте билмеген, юретген этеди!
Нарт сёз – тилни бети.
Айыбны суу бла джууалмазса.
Биреуге аманлыкъ этиб, кесинге игилик табмазса.
Джан саулукъ бермей, сан саулукъ бермезсе.
Кёпюр салгъан кеси ётер, уру къазгъан кеси кетер.
Шайтан алдады, тюзлюк къаргъады.
Айырылмаз джууугъунга, унутмаз сёзню айтма.
Кёб джат да, бек чаб.
Джумушакъ сёз къаты таякъны сындырыр.
Аз айтсам, кёб ангылагъыз.
Кесине гебен этелмеген, биреуге черен эте эди.
Ашыкъгъан cуу, тенгизге джетмез.
Билимден уллу байлыкъ джокъду.
Гугук кесини атын айтыб къычыргъанча, мен, мен деб нек тураса?
Окъуу – билимни ачхычы, окъуу – дунияны бачхычы.
Сабий кёргенин унутмаз.
Ёлген эшек бёрюден къоркъмайды.
Экиндини кеч къылсанг, чабыб джетер ашхам.
Айтылгъан буйрукъ, сёгюлмез
Сескекли кесин билдирир.
Къан бла кирген, джан бла чыгъар.
Арбаз сайлама да, хоншу сайла.
Адамгъа аман кюн соруб келмейди.
Аман къатын алгъан, арыр, иги къатын алгъан джарыр.
Къарнынг тойгъунчу аша да, белинг талгъынчы ишле.
Эр абынмай, эл танымаз.
Этни да ашады, бетни да ашады.
Артына баргъанны, къатына барма.
Тай асырагъан, атха минер.
Ишленмеген джаш – джюгенсиз ат, ишленмеген къыз – тузсуз хант.
))