Джырчы джырчыгъа – къарнаш.
Ёлген ийнек сютлю болур.
Адебни адебсизден юрен.
Ашхы – джыяр, аман – джояр.
Зар адам ашынгы ашар, кесинги сатар.
Кийимни бичсенг, кенг бич, тар этген къыйын тюлдю.
Тюз сёз баргъан сууну тыяр.
Орундукъ тюбюнде атылсам да, орта джиликме, де да айлан.
Ётюрюкчюню шагъаты – къатында.
Кенгеш болса, уруш болмаз.
Кимни – тили, тиши онглу, кимни – къолу, иши онглу.
Чакъырылмагъан джерге барма, чакъырылгъан джерден къалма.
Сабийликде юретмесенг, уллу болса – тюзелмез.
Тюкюрюк баш джармаз, налат кёз чыгъармаз!
Джашлыкъ этмеген, башлыкъ этмез.
Мал кёб болса, джууукъ кёб болур.
Арба аугъандан сора, джол кёргюзтюучю кёб болур.
Рысхы джалгъанды: келген да этер, кетген да этер.
Окъугъан – асыу, окъумагъан – джарсыу.
Билим къая тешер.
Мухарны эси – ашарыкъда.
Борчунг бар эсе, хурджунунга ойлаб узал.
Адам сёзге тынгыла, акъыл сёзню ангыла.
Иши джокъну, сыйы джокъ.
Байлыкъ келсе, акъыл кетер.
Магъанасыз сёз – тауушсуз сыбызгъы.
Айыбны суу бла джууалмазса.
Байны оноуу, джарлыгъа джарамаз.
Къызгъанчдан ычхыныр, мухардан ычхынмаз.
Келгинчи, къонакъ уялыр, келгенден сора, къонакъбай уялыр.
Ач, тоймам, дейди, тойгъан, ач болмам, дейди.
Тешик этген тынчды, аны джамагъан къыйынды.
Арпа, будай – ащды, алтын, кюмюш а – ташды.
Аш кетер да бет къалыр.
Биреу къой излей, биреу той излей.
Бир онгсуз адам адет чыгъарды, деб эштирик тюлсе.
Кёзю сокъурдан – къоркъма, кёлю сокъурдан – къоркъ.
Аз сёлеш, кёб ишле.
Джарашыу сюйген – джалынчакъ.
Адамны бетине къарама, адетине къара.
Джыйырма къойну юч джыйырма эбзе кюте эди.
Тойгъан антын унутур.
Ариу сёз аурууунгу алыр.
Бет бетге къараса, бет да джерге къарар.
Ишленмеген джаш – джюгенсиз ат, ишленмеген къыз – тузсуз хант.
Насыб бютеу халкъны юлюшюдю.
Тенгинг джокъ эсе – изле, бар эсе – сакъла!
Уллу къазанда бишген эт, чий къалмаз.
Билим – акъылны чырагъы.
Олтуруб кёрюнмей эди да, ёрге туруб кёрюне эди.
))