Борчунг бар эсе, хурджунунга ойлаб узал.
Джолунга кёре – джюрюшюнг, джагъанга кёре – юлюшюнг.
Джаралыны джастыгъында сау ёлюр.
Къобан да къуру да къобханлай турмайды, адам да къуру да патчахлай турмайды.
Кийиминг бла танылма, адамлыкъ бла таныл.
Къонагъынгы артмагъын алма да, алгъышын ал.
Тойгъан джерден туугъан джер игиди.
Къарт болгъан джерде, берекет болур, сабий болгъан джерде, оюн болур.
Кенгеш болса, уруш болмаз.
Эли джокъну – кёлю джокъ.
Ышармагъан – кюлмез, кюлмеген – къууанчны билмез.
Ачыкъ джюрекге джол – ачыкъ.
Ачылгъан эт джабылыр, кёрген кёз унутмаз.
Джылар джаш, атасыны сакъалы бла ойнар.
Кесине гебен этелмеген, биреуге черен эте эди.
Къонакъны къачан кетерин сорма, къачан келлигин сор.
Тамчы таш тешер.
Ата – билек, ана – джюрек!
Айран ичген – къутулду, джугъусун джалагъан – тутулду.
Ёлген ийнек сютлю болур.
Къарнынг ауруса, ауузунгу тый
Ачны эсинде – аш.
Иесиз малны бёрю ашар.
Бал ашаргъа сюе эсенг, чибин ургъаннга тёз.
От кюйдюрген, сау болса да, тот кюйдюрген, сау болмаз.
Кёб ант этген, кёб ётюрюк айтыр.
Орундукъ тюбюнде атылсам да, орта джиликме, де да айлан.
Кёкдеги болмаса, джердегин кёрмейди.
Кесине оноу эте билмеген, халкъына да эте билмез.
Аджал соруб келмез, келсе, къайтыб кетмез.
Ачыу алгъа келсе, акъыл артха къалады.
Бал – татлы, балдан да бала – татлы.
От этилмеген джерден тютюн чыкъмайды.
Чакъырылмагъан джерге барма, чакъырылгъан джерден къалма.
Адеби болмагъан къыз – тузсуз хант.
Кийимни бичсенг, кенг бич, тар этген къыйын тюлдю.
Мал ёлсе, сюек къалыр, адам ёлсе, иши къалыр.
Айтханы чапыракъдан ётмеген.
Эл бла кёргенинг эрелей.
Кюлме джашха – келир башха.
Джогъун бар этген, барын бал этген.
Чакъырылгъанны аты, чакъырылмагъанны багъасы болур.
Тил – миллетни джаны.
Бермеген къол, алмайды.
Босагъа таш юйге кирмей эди, тыбыр таш эшикге чыкъмай эди.
Эки къатын алгъанны къулагъы тынгнгаймаз.
Акъыл къартда, джашда тюйюлдю – башдады.
Аджаллыгъа окъсуз шкок атылыр.
Джуртун къоругъан озар.
Ашхы болсанг, атынг чыгъар, аман болсанг, джанынг чыгъар.
))