От кюйдюрген, сау болса да, тот кюйдюрген, сау болмаз.
Шайтан алдады, тюзлюк къаргъады.
Байны оноуу, джарлыгъа джарамаз.
Байлыкъ адамны сокъур этер.
Нарт сёз – тилни бети.
Ариу – кёзге, акъыл – джюрекге.
Биреуню тёрюнден, кесинги эшик артынг игиди.
Къыз тиширыу кеси юйюнде да къонакъды.
Къыз чыгъаргъан – къызыл къымжа.
Джангыз терек къынгыр ёсер.
Къазанны башы ачыкъ болса, итге уят керекди.
Къыз келсе, джумуш эте келеди, къатын келсе, ушакъ эте келеди.
Баш – акъыл ючюн, акъылман – халкъ ючюн.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джылар джаш, атасыны сакъалы бла ойнар.
Кёб къычыргъандан – къоркъма, тынч олтургъандан – къоркъ.
Ана къолу ачытмаз.
Ач отунчуну ачыуу – бурнунда.
Къууут – джелге, берне – бошха.
Башланнган иш битер, къымылдагъан тиш тюшер.
Мал ёлсе, сюек къалыр, адам ёлсе, иши къалыр.
Сормай – алма, чакъырылмай – барма.
От этилмеген джерден тютюн чыкъмайды.
Дууулдаса – бал чибин, къонса – къара чибин.
Къызбайны юйюне дери сюрсенг, батыр болур.
Иги адам абынса да, джангылмаз.
Чакъырылмагъан джерге барма, чакъырылгъан джерден къалма.
Намысы джокъну – дуниясы джокъ.
Кютгени беш эчки, сызгъыргъаны уа, джерни джарады.
Къуру гыбыт бек дыгъырдар.
Бет бетге къараса, бет да джерге къарар.
Ёзденликни кёбю ётюрюк.
Акъыл сабырлыкъ берир.
Тас болгъан бычакъны сабы – алтын.
Байлыкъ болгъан джерде, тынчлыкъ джокъду.
Билген билмегенни юретген адетди.
Джырчы ёлсе, джыры къалыр.
Келлик заман – къартлыкъ келтирир, кетген заман – джашлыкъ ёлтюрюр.
Тойгъандан сора, ашны сёкме.
Тойчу джашха къарама, къойчу джашха къара.
Махтаннган къыз, тойда джукълар.
Аджашханны ызындагъы кёреди, джангылгъанны джанындагъы биледи.
Айран ичген – къутулду, джугъусун джалагъан – тутулду.
Сютню башын джалагъан къутулур, тюбюн ичген тутулур.
Юйлю уругъа ит чабмаз.
Кийимни бир кюнню аясанг, минг кюннге джарар.
Кёзюнде тереги болгъан, чёбю болгъаннга кюле эди.
Aдам боллукъ, сыфатындан белгили.
Тура эдим джата, къайдан чыкъды хата?
Нёгерсизни джолу узун.
))