Къыз келсе, джумуш эте келеди, къатын келсе, ушакъ эте келеди.
Ким бла джюрюсенг, аны кёзю бла кёрюнюрсе.
«Ма», - дегенни билмесенг, «бер», - дегенни билмезсе.
Билимден уллу байлыкъ джокъду.
Бичгенде ашыкъма, тикгенде ашыкъ.
Тилчи тилден къаныкъмаз.
Къарнынг ауруса, ауузунгу тый
Эки къатын алгъан – эки ташны ортасына башын салгъан.
Джылар джаш, атасыны сакъалы бла ойнар.
Къайтырыкъ эшигинги, къаты уруб чыкъма.
Ат да турмайды бир териде.
Аман киши кеси юйюнде – къонакъ.
Соргъан айыб тюлдю, билмеген айыбды.
Эм уллу байлыкъ – джан саулукъ.
Малны кют, джерни тюрт.
Татлы сёз – балдан татлы.
Тау башында, тау болмаз, джангыз терек, бау болмаз.
Аджал соруб келмез, келсе, къайтыб кетмез.
Аз айтсам, кёб ангылагъыз.
Тил джюрекге джол ишлейди.
Адамны аты башхача, акъылы да башхады.
Кёзю сокъурдан – къоркъма, кёлю сокъурдан – къоркъ.
Билим ат болуб да чабар, къуш болуб да учар.
Бек ашыкъгъан меннге джетсин, дегенди аракъы.
Къуру гыбыт бек дыгъырдар.
Эл тойса, тоймагъан, эл къойса, къоймагъан.
Къошда джокъгъа – юлюш джокъ.
Алим болгъандан эсе, адам болгъан къыйынды.
Байны оноуу, джарлыгъа джарамаз.
Аман адам элни бир-бирине джау этер.
Ариу сёз аурууунгу алыр.
Адамны аманы адамны бети бла ойнар.
Келлик заман – къартлыкъ келтирир, кетген заман – джашлыкъ ёлтюрюр.
Айырылгъанланы айю ашар, бёлюннгенлени бёрю ашар.
Нарт сёз къарт болмаз.
Дууулдаса – бал чибин, къонса – къара чибин.
Ишин билген, аны сыйын чыгъарады.
Бозаны арты дауур болур.
Ишлерге уял да, ашаргъа табма.
Биреу ашаб къутулур, биреу джалаб тутулур.
Тиширыусуз юй – отсуз от джагъа.
Адамны джюреги нени кёрюрге сюйсе, кёзю да аны кёрюрге ёч болады.
Ушамагъан – джукъмаз.
Аджаллыгъа окъсуз шкок атылыр.
Эки ойлашыб, бир сёлешген.
Гугурук къычырмаса да, тангны атары къалмаз.
Кийимни бичсенг, кенг бич, тар этген къыйын тюлдю.
Ишленмеген джаш – джюгенсиз ат, ишленмеген къыз – тузсуз хант.
Кесинге джетмегенни, кёб сёлешме.
Кёрмегеннге кебек – танг, битмегеннге сакъал – танг.
))