- Джангыз терек къынгыр ёсер.
- Ишлегенде эринме, ишде чолакъ кёрюнме.
- Ышармагъан – кюлмез, кюлмеген – къууанчны билмез.
- Къонакъ хазыр болгъанлыкъгъа, къонакъбай хазыр тюлдю.
- Чакъырылмагъан къонакъ тёрге атламаз.
- Тойгъан джерге джети къайт.
- Дууулдаса – бал чибин, къонса – къара чибин.
- Кёб ант этген, кёб ётюрюк айтыр.
- Сабийни джумушха джибер да, ызындан бар.
- Чомартха Тейри да борчлуду.
- Ауругъан – джашаудан умутчу.
- Билмезни кёзю кёрмез, этмезни къулагъы эшитмез.
- Къызын тута билмеген, тул этер, джашын тута билмеген, къул этер.
- Кёпюр салгъан кеси ётер, уру къазгъан кеси кетер.
- Сыфатында болмагъаны, суратында болмаз.
- Байны къызы баймакъ болса да, юйде къалмаз!
- Ёгюзню мюйюзюнден тутадыла, адамны сёзюнден тутадыла.
- Джюрекден джюрекге джол барды.
- Мал кёб болса, джууукъ кёб болур.
- Къан бла кирген, джан бла чыгъар.
- Юреннген ауруу къалмаз.
- Айраннга суу къош, телиге джол бош.
- Таякъ этден ётер, тил сюекден ётер.
- Ариуну – ауруу кёб.
- Ач отунчуну ачыуу – бурнунда.
- Ариу – кёзге, акъыл – джюрекге.
- Джаш болсун, къыз болсун, акъылы, саны тюз болсун.
- Аурууну келиую тынч, кетиую – къыйын.
- Асхат ашлыкъ сата, юйдегиси ачдан къата.
- Кесине гебен этелмеген, биреуге черен эте эди.
- Айтхан сёзюне табылгъан.
- Миллетни бойну – базыкъ, аны бла кюрешген – джазыкъ.
- Мухар, кеси тойса да, кёзю тоймаз.
- Джылкъыдан – ат чыгъар, тукъумдан – джаш чыгъар.
- Аманнга игилик этсенг, юйюнге сау бармазса.
- Кёл – къызбай, къол – батыр.
- Ашхы атаны – джашы ашхы, ашхы ананы – къызы ашхы.
- Бал чибинни ургъаны – ачы, балы – татлы.
- Аякъларынгы джууургъанынга кёре узат.
- Аман адамны тепсинге олтуртсанг, къызынгы тилер.
- Ишге юренсин къоллары, халкъ бла болсун джоллары.
- Атадан ёксюз – бир ёксюз, анадан ёксюз – эки ёксюз.
- Кийим тукъум сордурур.
- Иги адамны бир сёзю эки болмаз.
- Накъырда – кертини келечиси.
- Тойчу джашха къарама, къойчу джашха къара.
- Ашхы адам – халкъ байлыгъы, ашхы джер – джашау байлыгъы.
- Аман адам элни бир-бирине джау этер.
- Ойнай билмеген, уруб къачар.
- Эрине къаргъыш этген къатын, эрнин къабар.
Каппушланы Яхья эфенди
|
къалгъан кесегин бир кесек черикер салырма , разы болугъуз
 |
||||
|
|
|
|||
Читают тему (гостей: 1)