- Адамны аманы адамны бети бла ойнар.
- Кёб джашагъан – кёб билир.
- Айран тёгюлсе, джугъусу къалыр.
- Экеулен сёлеше тура эселе, орталарына барыб кирме.
- Суу да къайтады чыкъгъан джерине.
- Джуртун къоругъан озар.
- Тилчиден кери бол.
- Билим насыб берир, билим джолну керир.
- Ач отунчуну ачыуу – бурнунда.
- Таула не мийик болсала да, аууш табылыр.
- Ишленмеклик адамлыкъды.
- Мураты болгъанны джюрек тебюую башхады.
- Хар адамгъа кеси миннген тау кибик.
- Тойгъанлыкъ къойгъа джарашады.
- Мал тутхан – май джалар.
- Эрине къаргъыш этген къатын, эрнин къабар.
- Бек ашыкъгъан меннге джетсин, дегенди аракъы.
- Джашны джигитлиги сорулур, къызны джигерлиги сорулур.
- Кюн – узун, ёмюр – къысха.
- Аман адам элни бир-бирине джау этер.
- Окъ къызбайны джокълайды.
- Сёз – кюмюш, джыр – алтын.
- Чомартны къолу берекет.
- Къуллукъчума, деб махтанма, къуллукъ – хаух джамчыды!
- Аджалсыз ёлюм болмаз.
- Тин – байлыгъынг, терен саулугъунг.
- Дженгил джетерикме деб, узун джолну къоюб, къысхасын барма.
- Итли къонакъ джарашмаз.
- Ана кёлю – балада, бала кёлю – талада.
- Азыкълы ат арымаз, къатыны аман джарымаз.
- Элни кючю – эмеген.
- Джырчы ёлсе, джыры къалыр.
- Кёлю джокъну – джолу джокъ.
- Билим ат болуб да чабар, къуш болуб да учар.
- Ач да бол, токъ да бол – намысынга бек бол.
- Кийимни бичсенг, кенг бич, тар этген къыйын тюлдю.
- Джыгъылгъанны сырты джерден тоймаз.
- Керилген да, ургъан кибикди.
- Элде адам къалмаса, ит тахтагъа минер.
- Кирсизни – саны таза, халалны – къаны таза.
- Ачны эсинде – аш.
- Игини сыйлагъан адетди.
- Уясында не кёрсе, учханында аны этер.
- Ариу – кёзге, акъыл – джюрекге.
- Алтыннга тот къонмаз.
- Тил – кесген бычакъ, сёз – атылгъан окъ.
- Джылкъыдан – ат чыгъар, тукъумдан – джаш чыгъар.
- Байлыкъ болгъан джерде, тынчлыкъ джокъду.
- Баш болса, бёрк табылыр.
- Ач къалгъандан, кеч къалгъан къолай.
Каппушланы Яхья эфенди
09.08.2010 16:28:05
къалгъан кесегин бир кесек черикер салырма , разы болугъуз
|
||||
|
|
|||
Читают тему (гостей: 1)