- Сёз садакъдан кючлюдю.
- Уясында не кёрсе, учханында аны этер.
- Джыланны къуйругъундан басарынг келсе, аны башы болгъанын унутма.
- Бети – къучакълар, джюреги – бычакълар.
- Ышармагъан – кюлмез, кюлмеген – къууанчны билмез.
- Къарнынг ауруса, ауузунгу тый
- Ат басханны джер билед.
- Къазанны башы ачыкъ болса, итге уят керекди.
- Ач бёрюге мекям джокъ.
- Ётюрюкню къуйругъу – бир тутум.
- Таукел къуру къалмаз.
- Сакъламагъан затынга джолукъсанг, не бек къууанаса, не бек ачыйса.
- Халкъгъа джарагъан, джарлы къалмаз.
- Аллахдан тилесенг, кёб тиле.
- Нарт сёз къарт болмаз.
- Адамны адамлыгъы къыйынлыкъда айгъакъланады.
- Иги бла джюрюсенг, джетерсе муратынга, аман бла джюрюсенг, къалырса уятха.
- Кёзню ачылгъаны – иги, ауузну джабылгъаны – иги.
- Кечеси – аяз, кюню – къыш, джарлы къаргъагъа бир аш тюш!
- Тойгъан джерден туугъан джер игиди.
- Уллу атлама – абынырса, уллу къабма – къарылырса.
- Джырчы джырчыгъа – къарнаш.
- Къартха ушагъан джаш – акъыллы, джашха ушагъан къарт – тели.
- Эринчекге кюн узун.
- Билмейме деген – бир сёз
- Агъач – джерни чырайы, кийим – эрни чырайы.
- Башсыз урчукъ тюзюне айланмаз.
- Туз, гырджын аша, тюзлюк бла джаша.
- Тамбла алтындан бюгюн багъыр ашхы.
- Ойнаб айтсанг да, эслеб айт.
- Юре билмеген ит, къонакъ келтирир.
- Джумушакъ терекни къурт ашар.
- Бёрю да ач къалмасын, эчки да ашалмасын.
- Ачлыкъда тары гырджын халыуадан татлы.
- Ата – баланы уясы.
- Акъыл неден да кючлюдю.
- Башы ишлегенни, ауузу да ишлер.
- Аллахха ийнаннган кишини, Аллах онгдурур ишин.
- Къонакъ болсанг, ийнакъ бол.
- Хунаны тюбюн къазсанг, юсюнге ауар.
- Къолунгдан къуймакъ ашатсанг да, атаны борчундан къутулмазса.
- Билеги кючлю, бирни джыгъар, билими кючлю, мингни джыгъар.
- Мал тутхан – май джалар.
- Оюмсуз атлагъан, аджалсыз ёлюр.
- Баш – акъыл ючюн, акъылман – халкъ ючюн.
- Хар адамгъа кеси миннген тау кибик.
- Тойну къарнашы – харс, джырны къарнашы – эжиу.
- Аш иеси бла татлыды.
- Аман адам элни бир-бирине джау этер.
- Джырчы ёлсе, джыры къалыр.
Каппушланы Яхья эфенди
|
къалгъан кесегин бир кесек черикер салырма , разы болугъуз
 |
||||
|
|
|
|||
Читают тему (гостей: 1)