- Бет бетге къараса, бет да джерге къарар.
- Ишин билген, аны сыйын чыгъарады.
- Кёбню кёрген – кёб билир.
- Аш кетер да бет къалыр.
- Тил – миллетни джаны.
- Адам боллукъ, атламындан белгили болур.
- Бичгенде ашыкъма, тикгенде ашыкъ.
- Эринчекни аурууу – кёб.
- Алтыда кюлмеген, алтмышда кюлмез.
- Юреннген ауруу къалмаз.
- Сормай – алма, чакъырылмай – барма.
- Джаханимни кёрмей, джандетге кёл салмазса.
- Эртде тургъан бла эртде юйленнген сокъуранмаз.
- Айтылгъан буйрукъ, сёгюлмез
- Къалгъан ишге къар джауар.
- Чёбню кёлтюрсенг, тюбюнден сёз чыгъар.
- Аш берме да, къаш бер.
- Джол бла сёзню къыйыры джокъ.
- Ышармагъан – кюлмез, кюлмеген – къууанчны билмез.
- Къанны къан бла джуума, аманны аман бла къуума.
- Ёпкелегенни ашы татлы болады.
- Зарда марда джокъ.
- Экиндини кеч къылсанг, чабыб джетер ашхам.
- Джаз бир кюнню джатсанг, къыш талай кюнню абынырса.
- Джукъу тёшек сайламайды.
- Ач уят къоймаз.
- Аманнга игилик этсенг, юйюнге сау бармазса.
- Эл ауузу – элек, анга ийнаннган – халек.
- Окъуу – билимни ачхычы, окъуу – дунияны бачхычы.
- Джырчы ёлсе, джыры къалыр.
- Кёкдеги болмаса, джердегин кёрмейди.
- Джюрекден джюрекге джол барды.
- Тыш элде солтан болгъандан эсе, кесинги элде олтан болгъан игиди!
- Эки элинги тыйсанг, джети элде махталырса.
- Сибиртки да сыйлы болду, кюрек да кюнлю болду.
- Джаралыны джастыгъында сау ёлюр.
- Аман киши кеси юйюнде – къонакъ.
- Аурууну келиую тынч, кетиую – къыйын.
- Тулпарлыкъ, билекден тюл – джюрекден.
- Адам сёзге тынгыла, акъыл сёзню ангыла.
- Кёрмегеннге кебек – танг, битмегеннге сакъал – танг.
- Тёрени джагъы джокъ.
- Насыб бютеу халкъны юлюшюдю.
- Ётюрюкчюню шагъаты – къатында.
- Акъдан къара болмаз.
- Намыс болмагъан джерде, насыб болмаз.
- Эки ойлашыб, бир сёлешген.
- Ишге юренсин къоллары, халкъ бла болсун джоллары.
- Тёгюлген тюгел джыйылмайды.
- Къарнынг бла ёч алма.
Каппушланы Яхья эфенди
|
къалгъан кесегин бир кесек черикер салырма , разы болугъуз
 |
||||
|
|
|
|||
Читают тему (гостей: 1)