- Ашхылыкъ джерде джатмайды, аманлыкъ суугъа батмайды.
- Гыдай эчки суугъа къараб, мюйюзле кёрмесе, джашма алкъын, дегенди.
- Тил – миллетни джаны.
- Ётюрюкню башын керти кесер.
- Ана къойну – балагъа джандет.
- Акъыллы башны – тили къысха.
- Керилген да, ургъан кибикди.
- Къарт бла баш аша, джаш бла аякъ аша.
- Ётюрюкден тюбю джокъ, кёлтюрюрге джиби джокъ.
- Айранын берсенг, челегин да къызгъанма.
- Адам къыйынлыгъын кёлтюрюр, зауукълугъун кёлтюрмез.
- Сагъышы джокъ – джукъучу, акъылы джокъ – къаугъачы.
- Айранны сюйген, ийнек тутар.
- Джарлы тюеге минсе да, ит къабар.
- Игини сыйлагъан адетди.
- Башда акъыл болмаса, эки аякъгъа кюч джетер.
- Ачыу алгъа келсе, акъыл артха къалады.
- Айтхан – тынч, этген – къыйын.
- Чакъырылгъанны аты, чакъырылмагъанны багъасы болур.
- Аш берме да, къаш бер.
- Башы джабылгъан челекге, кир тюшмез.
- Кёбден умут этиб, аздан къуру къалма.
- Кийиминг бла танылма, адамлыкъ бла таныл.
- Адам къаллай бир ишленмесе, аллай бир кесин уллу кёреди.
- Кюн кёрмеген, кюн кёрсе, кюндюз чыракъ джандырыр.
- Бети бедерден, намыс сакълама.
- Акъыллы эркиши атын махтар, акъылсыз эркиши къатынын махтар.
- Билимден уллу байлыкъ джокъду.
- Къыз тиширыу кеси юйюнде да къонакъды.
- Мадар болса, къадар болур.
- Орундукъ тюбюнде атылсам да, орта джиликме, де да айлан.
- Тешигини къатында, чычхан да батыр болур.
- От этилмеген джерден тютюн чыкъмайды.
- Ёгюзню мюйюзлери ауурлукъ этмейдиле.
- Чыбыкълыкъда бюгюлмеген, къазыкълыкъда бюгюлмей эди.
- Ана – юйню кюн джарыгъы.
- Кёл – къызбай, къол – батыр.
- Тамырсыз терекге таянма – джыгъылырса.
- Кийимни бичсенг, кенг бич, тар этген къыйын тюлдю.
- Суугъа – таянма, джаугъа – ийнанма.
- Хар зат кесини орнуна иги.
- Кечеси – аяз, кюню – къыш, джарлы къаргъагъа бир аш тюш!
- Адеб базарда сатылмаз.
- Кёб джат да, бек чаб.
- Иги болса, тамадама – махтау, аман болса, меннге – айыб.
- Джерни букъусу кёкге къонмаз.
- Эр абынмай, эл танымаз.
- Хар адамгъа кеси миннген тау кибик.
- Гитче джилтин уллу элни джандырыр.
- Асхат ашлыкъ сата, юйдегиси ачдан къата.
Каппушланы Яхья эфенди
09.08.2010 16:28:05
къалгъан кесегин бир кесек черикер салырма , разы болугъуз
|
||||
|
|
|||
Читают тему (гостей: 1)