- Байлыкъ болгъан джерде, тынчлыкъ джокъду.
- Кёб джашагъан – кёб билир.
- «Ёгюз, джаргъа джууукъ барма, меннге джюк боллукъса», - дегенди эшек.
- Окъуу – билимни ачхычы, окъуу – дунияны бачхычы.
- Рысхы – сют юсюнде кёмюк кибикди.
- Ашда – бёрю, ишде – ёлю.
- Кёзден кетген, кёлден да кетеди.
- Адам бла мюлк юлешмеген эсенг, ол адамны билиб бошагъанма, деб кесинги алдама.
- Кёб къычыргъандан – къоркъма, тынч олтургъандан – къоркъ.
- Бети бедерден, намыс сакълама.
- Къуллукъчума, деб махтанма, къуллукъ – хаух джамчыды!
- Тёрде – темир таякълы, къаяда – чыпчыкъ аякълы.
- Ана къойну – балагъа джандет.
- Ётюрюкчюню шагъаты – къатында.
- Тойгъа барсанг, тоюб бар, эски тонунгу къоюб бар.
- Тилсиз миллет джокъ болур.
- Ата джурт – алтын бешик.
- Хазыр ашха – терен къашыкъ.
- Кёбню кёрген – кёб билир.
- Ана къолу ачытмаз.
- Джаралыны джастыгъында сау ёлюр.
- Сютден ауузу кюйген, суугъа юфгюре эди.
- Адамны аты башхача, акъылы да башхады.
- Ашда уялгъан – мухар, ишде уялгъан – хомух.
- Татлы сёз – балдан татлы.
- Ата Джуртуму башы болмасам да, босагъасында ташы болайым.
- Бюгюн дуния кибик, тамбла ахыратды.
- Къонакъ кёб келюучю юйню, къазаны отдан тюшмез.
- Чёбню кёлтюрсенг, тюбюнден сёз чыгъар.
- Чомарт бергенин айтмаз.
- Айырылгъанланы айю ашар, бёлюннгенлени бёрю ашар.
- Гугук кесини атын айтыб къычыргъанча, мен, мен деб нек тураса?
- Бермеген къол, алмайды.
- Эринчекни аурууу – кёб.
- Сакъ юйюне сау барыр.
- Атлыны ашхысы, ат тизгининден билинир
- Киштикге къанат битсе, чыпчыкъ къалмаз эди.
- Рысхы джалгъанды: келген да этер, кетген да этер.
- Аллахдан тилесенг, кёб тиле.
- Тёгюлген тюгел джыйылмайды.
- Ач – эснер, ат – кишнер.
- Кёбге таш атма.
- Соргъан айыб тюлдю, билмеген айыбды.
- Ач, тоймам, дейди, тойгъан, ач болмам, дейди.
- Къобан да къуру да къобханлай турмайды, адам да къуру да патчахлай турмайды.
- Ёлюр джаннга, ёкюл джокъ.
- Аш кетер да бет къалыр.
- Байдан умут эте, джарлыдан ёгюз багъасы къорады.
- Эте билген, этген этеди, эте билмеген, юретген этеди!
- Ётюрюкню къуйругъу – бир тутум.
Каппушланы Яхья эфенди
|
къалгъан кесегин бир кесек черикер салырма , разы болугъуз
 |
||||
|
|
|
|||
Читают тему (гостей: 1)