- Ауузу бла къуш тута айланады.
- Акъыл бла адеб эгизледиле.
- Ёлюк кебинсиз къалмаз.
- Бозаны арты дауур болур.
- Кимни – тили, тиши онглу, кимни – къолу, иши онглу.
- Ашхы болсанг, атынг чыгъар, аман болсанг, джанынг чыгъар.
- Джангыз торгъай джырламаз.
- Ашхылыкъ джерде джатмайды, аманлыкъ суугъа батмайды.
- Борчунг бар эсе, хурджунунга ойлаб узал.
- Джыгъылгъанны сырты джерден тоймаз.
- Гыдай эчки суугъа къараб, мюйюзле кёрмесе, джашма алкъын, дегенди.
- Минг тенг да азды, бир джау да кёбдю.
- Ауурну тюбю бла, дженгилни башы бла джюрюген.
- Адам боллукъ, атламындан белгили болур.
- Бет бетге къараса, бет да джерге къарар.
- Башсыз урчукъ тюзюне айланмаз.
- Бастасын ашагъан, хантусун да ичер.
- Аз сёлеш, кёб ишле.
- Байлыкъ адамны сокъур этер.
- Игилик игилик бла сингдирилиучю затды.
- Тёрдеги кюлсе, эшикдеги ышарыр.
- Бичгенде ашыкъма, тикгенде ашыкъ.
- Къызын тута билмеген, тул этер, джашын тута билмеген, къул этер.
- Малны кют, джерни тюрт.
- Джеринден айырылгъан – джети джылар, джуртундан айырылгъан – ёлгюнчю джылар.
- Ойнаб айтсанг да, эслеб айт.
- Джырчы джырчыгъа – къарнаш.
- Аш кетер да бет къалыр.
- Джашны джигитлиги сорулур, къызны джигерлиги сорулур.
- Баргъанынга кёре болур келгенинг.
- Кюлме джашха – келир башха.
- Ачылгъан эт джабылыр, кёрген кёз унутмаз.
- Шапа кёб болса, аш татымсыз болур.
- Ата Джуртун танымагъан, атасын да танымаз.
- Ишлегенде эринме, ишде чолакъ кёрюнме.
- Джаханимни кёрмей, джандетге кёл салмазса.
- Джахил болса анасы, не билликди баласы?
- Тюкюрюк баш джармаз, налат кёз чыгъармаз!
- Ана къолу ачытмаз.
- Окъугъан озар, окъумагъан тозар.
- Джылар джаш, атасыны сакъалы бла ойнар.
- Кёкдеги болмаса, джердегин кёрмейди.
- Къобан да къуру да къобханлай турмайды, адам да къуру да патчахлай турмайды.
- Къыйынлы джети элни къайгъысын этер.
- Орундукъ тюбюнде атылсам да, орта джиликме, де да айлан.
- Къызгъанчдан ычхыныр, мухардан ычхынмаз.
- Къарны аманнга къазан такъдырма, къолу аманнга от джакъдырма.
- Тил джюрекге джол ишлейди.
- Аджаллыгъа окъсуз шкок атылыр.
- Къан бла кирген, джан бла чыгъар.
ТЫШЫНДА АХЛУЛАРЫБЫЗ
06.08.2010 01:21:39
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
Читают тему (гостей: 1)