- Тёрде – темир таякълы, къаяда – чыпчыкъ аякълы.
- Аман киши кеси юйюнде – къонакъ.
- Ариуну – ауруу кёб.
- Бир онгсуз адам адет чыгъарды, деб эштирик тюлсе.
- Ат басханны джер билед.
- Атадан ёксюз – бир ёксюз, анадан ёксюз – эки ёксюз.
- Тюзлюк тас болмайды.
- Чыкълы кюнде чыкъмагъан, чыкъса къуру кирмеген.
- Кийим тукъум сордурур.
- Адамны джюреги нени кёрюрге сюйсе, кёзю да аны кёрюрге ёч болады.
- Аз сёлеш, кёб ишле.
- Айтылгъан буйрукъ, сёгюлмез
- Ёзденликни кёбю ётюрюк.
- Эте билген, этген этеди, эте билмеген, юретген этеди!
- Бек ашыкъгъан меннге джетсин, дегенди аракъы.
- Ата Джуртча джер болмаз, туугъан элча эл болмаз.
- Ишленмеклик адамлыкъды.
- Аманны эки битли тону болур, бирин сеннге кийдирир, бирин кеси киер.
- Кесинг сынамагъан затны, адамгъа буюрма.
- Насыблы элин сюер, насыбсыз кесин сюер.
- Окъ къызбайны джокълайды.
- Тойгъа алгъа да барма, тойда артха да къалма.
- Эллинг бла джау болсанг да, юйюнг бла джау болма.
- Иги адамны бир сёзю эки болмаз.
- Къарнынг бла ёч алма.
- Къазанда болса, чолпугъа чыгъар.
- Алтыда кюлмеген, алтмышда кюлмез.
- Къонакъны къачан кетерин сорма, къачан келлигин сор.
- Ата Джуртун танымагъан, атасын да танымаз.
- Къарнынг ауруса, ауузунгу тый
- Сёз садакъдан кючлюдю.
- Кёлю джокъну – джолу джокъ.
- Джукъу тёшек сайламайды.
- Гитче джилтин уллу элни джандырыр.
- Мен да «сен», дейме, сен да «кесим», дейсе.
- Тура эдим джата, къайдан чыкъды хата?
- Чабакъсыз кёлге къармакъ салгъанлыкъгъа, чабакъ тутмазса.
- Адам туугъан джеринде, ит тойгъан джеринде.
- Къарнынг къанлынга кийирир.
- Кёрмегеннге кебек – танг, битмегеннге сакъал – танг.
- Ётюрюкню къуйругъу – бир тутум.
- Ёзденликни джайгъан – джокълукъ.
- Ата Джуртуму башы болмасам да, босагъасында ташы болайым.
- Къарны аманнга къазан такъдырма, къолу аманнга от джакъдырма.
- Джарлыны эшигин махтагъан джабар.
- Уллу сёзде уят джокъ.
- Ашхы тенг джолгъа салыр, аман тенг джолдан тайдырыр.
- Чомарт къолда мал къалмаз.
- Ашлыкъ – бюртюкден, джюн – тюкден.
- Суу ичген шауданынга тюкюрме.
ТЫШЫНДА АХЛУЛАРЫБЫЗ
|
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
|
Читают тему (гостей: 1)