- Сабий болмагъан джерде, мёлек болмаз.
- Аш иеси бла татлыды.
- Аманны эки битли тону болур, бирин сеннге кийдирир, бирин кеси киер.
- Айран ичген – къутулду, джугъусун джалагъан – тутулду.
- Бозанг болмагъан джерге, къалагъынгы сукъма.
- Джылар джаш, атасыны сакъалы бла ойнар.
- Алтыда кюлмеген, алтмышда кюлмез.
- Хаухну атма, ёнгкючню сатма.
- Ата Джуртуму башы болмасам да, босагъасында ташы болайым.
- Эр сокъур болсун, къатын тилсиз болсун.
- Таш ата билмеген, башына урур.
- Бети къызарыучу адамны, джюреги харам болмаз.
- Суу кетер, таш къалыр.
- Джети тилни билген джети кишиди.
- Тай асырагъан, атха минер.
- Аш кетер да бет къалыр.
- Джюрекге ариу – кёзге да ариу.
- Иги адамны бир сёзю эки болмаз.
- Акъыл неден да кючлюдю.
- Адамны сабийин сюйген джюреги, бычакъча, джитиди.
- Рысхы – сют юсюнде кёмюк кибикди.
- Ойнай билмеген, уруб къачар.
- Ашхылыкъ джерде джатмайды, аманлыкъ суугъа батмайды.
- Къонагъы джокъну – шоху джокъ.
- Мухар, кеси тойса да, кёзю тоймаз.
- Джогъун бар этген, барын бал этген.
- Ойнай-ойнай кёз чыгъар.
- Тенги кёбню джау алмаз, акъылы кёбню дау алмаз.
- Билмезни кёзю кёрмез, этмезни къулагъы эшитмез.
- Аджалсыз ёлюм болмаз.
- Биреуню эскиси биреуге джангы болмайды.
- Къартны сыйын кёрмеген, къартлыгъында сыйлы болмаз.
- Ётюрюкню къуйругъу – бир тутум.
- Нёгерсизни джолу узун.
- Ашлыкъны арба юйге келтирир, чана базаргъа элтир.
- Атадан ёксюз – бир ёксюз, анадан ёксюз – эки ёксюз.
- Мени джылытмагъан кюн, меннге тиймесин!
- Ач уят къоймаз.
- Иги болса, тамадама – махтау, аман болса, меннге – айыб.
- Ёнгкюч къууана барыр, джылай келир.
- Джаханимни кёрмей, джандетге кёл салмазса.
- Этни да ашады, бетни да ашады.
- Гитче джилтин уллу элни джандырыр.
- Гугук кесини атын айтыб къычыргъанча, мен, мен деб нек тураса?
- Тели турса – той бузар.
- Билген билмегенни юретген адетди.
- Чакъырылмагъан къонакъ къачан кетерин сормаз.
- Къарны аманнга къазан такъдырма, къолу аманнга от джакъдырма.
- Ёзденликни кёбю ётюрюк.
- Орундукъ тюбюнде атылсам да, орта джиликме, де да айлан.
ТЫШЫНДА АХЛУЛАРЫБЫЗ
|
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
|
Читают тему (гостей: 1)