Войти на сайт
29 Марта  2024 года

 

  • Билимсиз иш бармаз.
  • Дуния мал дунияда къалады.
  • Суугъа – таянма, джаугъа – ийнанма.
  • Экеулен сёлеше тура эселе, орталарына барыб кирме.
  • Ишге юренсин къоллары, халкъ бла болсун джоллары.
  • Айтылгъан буйрукъ, сёгюлмез
  • Ач отунчуну ачыуу – бурнунда.
  • Эл ауузу – элек, анга ийнаннган – халек.
  • Рысхысына кёре, джаш ёсер, къышлыгъына кёре, мал ёсер.
  • Тойну къарнашы – харс, джырны къарнашы – эжиу.
  • Кесинг сынамагъан затны, адамгъа буюрма.
  • Чыкълы кюнде чыкъмагъан, чыкъса къуру кирмеген.
  • Арыгъан къош чамчы болур.
  • Шекер бла туз – бир болмаз, ушамагъан – юй болмаз.
  • Айтхан – тынч, этген – къыйын.
  • Олтуруб кёрюнмей эди да, ёрге туруб кёрюне эди.
  • Къан бла кирген, джан бла чыгъар.
  • Адамны артындан къара сабан сюрме.
  • Къулакъдан эсе, кёзге ышан.
  • Ата Джуртун танымагъан, атасын да танымаз.
  • Сёз къанатсыз учар.
  • Ашарыкъда сайлагъаннга – чий гырджын.
  • Алма терегинден кери кетмез.
  • Аш хазыр болса, иш харам болур.
  • Махтаннган къыз, тойда джукълар.
  • Тойгъанлыкъ къойгъа джарашады.
  • Агъач халкъгъа алтынды, иссиликге салкъынды.
  • Мал ёлсе, сюек къалыр, адам ёлсе, иши къалыр.
  • Тилчи бир сагъатха айлыкъ хата этер.
  • Тиширыусуз юй – отсуз от джагъа.
  • Адам бла мюлк юлешмеген эсенг, ол адамны билиб бошагъанма, деб кесинги алдама.
  • Аш кетер да бет къалыр.
  • Кютгени беш эчки, сызгъыргъаны уа, джерни джарады.
  • Мухар, кеси тойса да, кёзю тоймаз.
  • Джылар джаш, атасыны сакъалы бла ойнар.
  • Таш бла ургъанны, аш бла ур.
  • Ашлыкъны арба юйге келтирир, чана базаргъа элтир.
  • Агъач – джерни чырайы, кийим – эрни чырайы.
  • Кёб джашагъан – кёб билир.
  • Акъыл аздырмаз, билим тоздурмаз.
  • Адебсиз адам – джюгенсиз ат.
  • Аманны эки битли тону болур, бирин сеннге кийдирир, бирин кеси киер.
  • Атлыны ашхысы, ат тизгининден билинир
  • Ашаса, ашамаса да, бёрюню ауузу – къан.
  • Мухардан ач ычхынмаз.
  • Эм уллу байлыкъ – джан саулукъ.
  • Ауузу аманнга «иги», деме.
  • Мураты болгъанны джюрек тебюую башхады.
  • Сютню башын джалагъан къутулур, тюбюн ичген тутулур.
  • Адамны адамлыгъы къыйынлыкъда айгъакъланады.

 

Страницы: 1
RSS
ТЫШЫНДА АХЛУЛАРЫБЫЗ
 
ТЫШЫНДА АХЛУЛАРЫБЫЗ

Тыш къраллада джашагъан къарачай-малкъарлыланы юсюнден не тюрлю джангылыкъла, хапарла да бир джерге джыйыла барсала таб болур эди деб ачама бу теманы.

Бусагъатда Къыргъызстанда бола тургъан къатышыуланы кёресиз. Анда джашагъан халкъыбыздан хапары болгъан бар эсе, джазыгъыз.
 
Ассалам Уалейкум.Андагъыладан хапарлы тюлме.Алай болса да ала бары да бери кечюб, республиканы ара шахарыны тюз да къатында бир джангы эл къурасала бек ашхы иш боллукъ эди.Аланы джамагъат къуралышларыны башчылары да ол затха огъай боллукъ болмаз эдиле
 
Талай джыл бундан алгъа Къыргъызданда болгъан диаспорабызны ,fixskfhs? Кавказгъа къайтыр муратларын айтхан эдиле. Къайтарча болушлукъну КЧР ни президентинден тилеген да этгнелери болгъанды (ол заманда, энтда Батды-улу болур эдими...) Кеисигиз англагъанча, миллет къуллукъчула анга эс бёлмеген эдиле. Амма бир гитче эскертиу: алагъа ФЗ "О соотечественниках..." кёре къысхасы бла гражданствону алыргъа боллукъдула!
 
Къыргъызда къарачайлыла делегацияла болуб келиб, КЧР-ни башчыларына - Хубий улудан башлаб, бюгюннгю президентге дери - барына тюбегенлей тургъандыла. Биринден да хайыр чыкъмагъанды. Эбзе улу не этерин кёрейик.

Къыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле. Мен кесим кёчерге излеген 350 юйдегини списогун Черкесскде Акъ Юйге табдыргъан эдим. Ол ишге къараргъа Алий улугъа (атын унутханма) буюрулгъан эди. Аны джууабы: "Мында аланы биз иш бла баджараллыкъ тюлбюз. Россия уллуду - иш къалайда таба эселе, ары барсынла".

Ала джуртларына къайытыргъа излейдиле, бизни тамадала уа джан аурутмайдыла. Адыгеяда Косоводан черкеслени тракторланырна дери келтириб, юй, джер да бериб, джарашдыргъан эдиле. Бизде уа, иш алай тюлдю.

Башчы башчы болмаса, халкъны джашауу тюзелмейди.
 
Sabr
Да, багъалы Билал, сора сен менден да иги билесе бу чотну...
Буну юсюнден бир зат айтаргъа энтда керекди: бюгюн, къуру официальный данныйлеге кёре, Гитче Къарачай районда 2000 узбекли джашайдыла. Мени танышларымы, кичи къарншалары бла, сёз, ючюн хар бирини классында далай узбекчик барды... Ала келиб бек кёбню ишсиз къойгъандыла... Халкъ айтханга кёре, аланы сыртларын джабгъан - къызыл джагъаладыла.
Энди кесинг кёресе. къалайды чот сора, Гитче Къарачайгъа 2000 узбекни келтиррирге иш да, не да барды. кесибизни миллетибизни бери кёчюрюрге уа - амалсыз болуб къалайдыла...

Башчы башчы болмаса, халкъны джашауу тюзелмейди.

Алай ды; бизни башчыларыбызны 20 джылыны ичинде миллетге керти этильген игиликни бир китаб бетге саулай джазаргъа боллукъ болурду...
 
SabrКъыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле
Ай медет, алай болса уа азмы эди джашар джерле -Схауат, Къызыл Къарачай, андан да бек керек Лаба,алайын бегитмесек къолубуздан кетгенчады((((
 
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
 
Алай джерибиз тургъаныча турур Аллах айтса.Не болса да бу хоншуларыбызгъа ачыугъа тюз ара шахарны къатында ол 350 юйдеги джарагъан эл къурасала ма ол заманда бек залим иш боллукъ эди. Бу ишни тамадала баджараллыкъ тюлдюле.Джамагъат къуралышла да къошулмасала.Быйыл да кеб болмай аладан келечиле келиб Тере организацияны къуллукъчулары бла тюбешиб кетгендиле.Не оноу этгенлерин билмейме.Тюз оноу этген болурла Инш Аллах.
Страницы: 1
Читают тему (гостей: 1)

 

Написать нам