Войти на сайт
29 Марта  2024 года

 

  • Уллу къазанда бишген эт, чий къалмаз.
  • Къыз тиширыу кеси юйюнде да къонакъды.
  • Урама да – ёледи, сатама да – келеди.
  • Джолунга кёре – джюрюшюнг, джагъанга кёре – юлюшюнг.
  • Къонакъ кёб келюучю юйню, къазаны отдан тюшмез.
  • Тёгюлген тюгел джыйылмайды.
  • Ауузу аманнга «иги», деме.
  • Билимден уллу байлыкъ джокъду.
  • Зар адамны насыбы болмаз.
  • Ишлемеген – тишлемез.
  • Ариу сёз джыланны орнундан чыгъарыр.
  • Аз сёлешген, къайгъысыз турур.
  • Кёб джашагъан – кёб билир.
  • Сёз сёзню айтдырыр.
  • Ач къарынны, токъ билмез
  • Биреуге кёлтюрген таягъынг, кесинги башынга урур.
  • Тёрени джагъы джокъ.
  • Тау башында, тау болмаз, джангыз терек, бау болмаз.
  • Джюрекден джюрекге джол барды.
  • Ишни аллы бла къууанма да, арты бла къууан.
  • Джарлы джети элни сёзюн этер.
  • Къайгъыны сюйген, къайгъы табар.
  • Ариу джол аджал келтирмез.
  • Джукъу тёшек сайламайды.
  • Аууздан келген, къолдан келсе, ким да патчах болур эди.
  • Ёлюр джаннга, ёкюл джокъ.
  • Билими азны – ауузунда кирит.
  • Аллахха ийнаннган кишини, Аллах онгдурур ишин.
  • Джарлыны эшигин махтагъан джабар.
  • Кёзден кетген, кёлден да кетеди.
  • Мухар, кеси тойса да, кёзю тоймаз.
  • Рысхы джалгъанды: келген да этер, кетген да этер.
  • Аман къатын сабий табса, бий болур…
  • Адамны аманы адамны бети бла ойнар.
  • Ашхы атаны – джашы ашхы, ашхы ананы – къызы ашхы.
  • Танг атмайма десе да, кюн къоярыкъ тюйюлдю.
  • Ашхы болсанг, атынг чыгъар, аман болсанг, джанынг чыгъар.
  • Ана къойну – балагъа джандет.
  • Намыс болмагъан джерде, насыб болмаз.
  • Ёлген ийнек сютлю болур.
  • Аманнга да, игиге да оноусуз къатышма.
  • Джаным-тиним – окъуу, билим.
  • Арыгъан къош чамчы болур.
  • Адамны бетине къарама, адетине къара.
  • Тик ёргени, тик энгишгеси да болады.
  • Ата – баланы уясы.
  • Тюзлюк тас болмайды.
  • Тура эдим джата, къайдан чыкъды хата?
  • Биреу къой излей, биреу той излей.
  • Оюмсуз атлагъан, аджалсыз ёлюр.

 

Страницы: 1
RSS
ТЫШЫНДА АХЛУЛАРЫБЫЗ
 
ТЫШЫНДА АХЛУЛАРЫБЫЗ

Тыш къраллада джашагъан къарачай-малкъарлыланы юсюнден не тюрлю джангылыкъла, хапарла да бир джерге джыйыла барсала таб болур эди деб ачама бу теманы.

Бусагъатда Къыргъызстанда бола тургъан къатышыуланы кёресиз. Анда джашагъан халкъыбыздан хапары болгъан бар эсе, джазыгъыз.
 
Ассалам Уалейкум.Андагъыладан хапарлы тюлме.Алай болса да ала бары да бери кечюб, республиканы ара шахарыны тюз да къатында бир джангы эл къурасала бек ашхы иш боллукъ эди.Аланы джамагъат къуралышларыны башчылары да ол затха огъай боллукъ болмаз эдиле
 
Талай джыл бундан алгъа Къыргъызданда болгъан диаспорабызны ,fixskfhs? Кавказгъа къайтыр муратларын айтхан эдиле. Къайтарча болушлукъну КЧР ни президентинден тилеген да этгнелери болгъанды (ол заманда, энтда Батды-улу болур эдими...) Кеисигиз англагъанча, миллет къуллукъчула анга эс бёлмеген эдиле. Амма бир гитче эскертиу: алагъа ФЗ "О соотечественниках..." кёре къысхасы бла гражданствону алыргъа боллукъдула!
 
Къыргъызда къарачайлыла делегацияла болуб келиб, КЧР-ни башчыларына - Хубий улудан башлаб, бюгюннгю президентге дери - барына тюбегенлей тургъандыла. Биринден да хайыр чыкъмагъанды. Эбзе улу не этерин кёрейик.

Къыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле. Мен кесим кёчерге излеген 350 юйдегини списогун Черкесскде Акъ Юйге табдыргъан эдим. Ол ишге къараргъа Алий улугъа (атын унутханма) буюрулгъан эди. Аны джууабы: "Мында аланы биз иш бла баджараллыкъ тюлбюз. Россия уллуду - иш къалайда таба эселе, ары барсынла".

Ала джуртларына къайытыргъа излейдиле, бизни тамадала уа джан аурутмайдыла. Адыгеяда Косоводан черкеслени тракторланырна дери келтириб, юй, джер да бериб, джарашдыргъан эдиле. Бизде уа, иш алай тюлдю.

Башчы башчы болмаса, халкъны джашауу тюзелмейди.
 
Sabr
Да, багъалы Билал, сора сен менден да иги билесе бу чотну...
Буну юсюнден бир зат айтаргъа энтда керекди: бюгюн, къуру официальный данныйлеге кёре, Гитче Къарачай районда 2000 узбекли джашайдыла. Мени танышларымы, кичи къарншалары бла, сёз, ючюн хар бирини классында далай узбекчик барды... Ала келиб бек кёбню ишсиз къойгъандыла... Халкъ айтханга кёре, аланы сыртларын джабгъан - къызыл джагъаладыла.
Энди кесинг кёресе. къалайды чот сора, Гитче Къарачайгъа 2000 узбекни келтиррирге иш да, не да барды. кесибизни миллетибизни бери кёчюрюрге уа - амалсыз болуб къалайдыла...

Башчы башчы болмаса, халкъны джашауу тюзелмейди.

Алай ды; бизни башчыларыбызны 20 джылыны ичинде миллетге керти этильген игиликни бир китаб бетге саулай джазаргъа боллукъ болурду...
 
SabrКъыргъызда къарачайлыла мал бла кюрешген адамладыла. Мында алагъа Хасаутча бир элни джарашдырыб берселе - джашаб къаллыкъ эдиле
Ай медет, алай болса уа азмы эди джашар джерле -Схауат, Къызыл Къарачай, андан да бек керек Лаба,алайын бегитмесек къолубуздан кетгенчады((((
 
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
 
Алай джерибиз тургъаныча турур Аллах айтса.Не болса да бу хоншуларыбызгъа ачыугъа тюз ара шахарны къатында ол 350 юйдеги джарагъан эл къурасала ма ол заманда бек залим иш боллукъ эди. Бу ишни тамадала баджараллыкъ тюлдюле.Джамагъат къуралышла да къошулмасала.Быйыл да кеб болмай аладан келечиле келиб Тере организацияны къуллукъчулары бла тюбешиб кетгендиле.Не оноу этгенлерин билмейме.Тюз оноу этген болурла Инш Аллах.
Страницы: 1
Читают тему (гостей: 1)

 

Написать нам