- Дуния малгъа сатылма, кесингден телиге къатылма.
- Сагъыш – къартлыкъгъа сюйюмчю.
- Айраннга суу къош, телиге джол бош.
- Келинни – келгинчи, бёркню кийгинчи кёр.
- Сибиртки да сыйлы болду, кюрек да кюнлю болду.
- Таукелге нюр джауар.
- Ёнгкюч къууана барыр, джылай келир.
- Баш болса, бёрк табылыр.
- Ауурну тюбю бла, дженгилни башы бла джюрюген.
- Кёзюнде тереги болгъан, чёбю болгъаннга кюле эди.
- Къазанда болса, чолпугъа чыгъар.
- Ётюрюк хапар аякъ тюбю бла джюрюйдю.
- Экиндини кеч къылсанг, чабыб джетер ашхам.
- Ёлюк кебинсиз къалмаз.
- Тенгинг джокъ эсе – изле, бар эсе – сакъла!
- От этилмеген джерден тютюн чыкъмайды.
- Аман къатын сабий табса, бий болур…
- Мадар болса, къадар болур.
- Ёлген аслан – сау чычхан.
- Баланы адам этген анады.
- Къалгъан ишге къар джауар.
- Окъ къызбайны джокълайды.
- Джангызны оту джарыкъ джанмаз!
- Эрни эр этерик да, къара джер этерик да, тиширыуду.
- Эки къатын алгъанны къулагъы тынгнгаймаз.
- Тойгъан джерден туугъан джер игиди.
- Уллу айтханны этмеген – уллаймаз.
- Къаллай салам берсенг, аллай джууаб алырса.
- Тенгни тенглиги джашай барсанг билинир.
- Чабар ат – джетген къыз.
- Бал ашаргъа сюе эсенг, чибин ургъаннга тёз.
- Эркиши – от, тиширыу – суу.
- Джаралыны джастыгъында сау ёлюр.
- Эл ауузу – элия.
- Хунаны тюбюн къазсанг, юсюнге ауар.
- Джашынгы кесинг юретмесенг, джашау юретир.
- Аманнга да, игиге да оноусуз къатышма.
- Ашхы болсанг, атынг чыгъар, аман болсанг, джанынг чыгъар.
- Айтханы чапыракъдан ётмеген.
- Тил – миллетни джаны.
- Джумушакъ терекни къурт ашар.
- Ёлюр джаннга, ёкюл джокъ.
- Онгсузну – джакъла, тенгликни – сакъла.
- Аманны эки битли тону болур, бирин сеннге кийдирир, бирин кеси киер.
- Тойчу джашха къарама, къойчу джашха къара.
- Адеби болмагъан къыз – тузсуз хант.
- Аман адамны тепсинге олтуртсанг, къызынгы тилер.
- Ашын ашагъанынгы, башын да сыйла.
- Оюмсуз атлагъан, аджалсыз ёлюр.
- Кёзню ачылгъаны – иги, ауузну джабылгъаны – иги.
ТЫШЫНДА АХЛУЛАРЫБЫЗ
06.08.2010 01:21:39
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
Читают тему (гостей: 1)