- Ашхы – джыяр, аман – джояр.
- Танг атмайма десе да, кюн къоярыкъ тюйюлдю.
- Ашаса, ашамаса да, бёрюню ауузу – къан.
- Ёксюзню тилеги къабыл болур.
- Иесиз малны бёрю ашар.
- Джырчы джырчыгъа – къарнаш.
- Кёбге таш атма.
- Чабакъгъа акъыл, табагъа тюшсе келеди.
- Келлик заман – къартлыкъ келтирир, кетген заман – джашлыкъ ёлтюрюр.
- Кёзню ачылгъаны – иги, ауузну джабылгъаны – иги.
- Ёлген аслан – сау чычхан.
- Билимден уллу байлыкъ джокъду.
- Ачны эсинде – аш.
- Кийим тукъум сордурур.
- Адеб базарда сатылмаз.
- Кенгеш болса, уруш болмаз.
- Иги сеники эсе да, сюйген кесимикин этеме.
- Рысхы – сют юсюнде кёмюк кибикди.
- Къумурсхала джыйылсала, пилни да джыгъадыла.
- Хансыз джомакъ болмаз.
- Сууда джау джокъ, кёб сёзде магъана джокъ.
- Къралынгы – душмандан, башынгы от бла суудан сакъла.
- Чомартны къолун джокълукъ байлар.
- Билеги кючлю, бирни джыгъар, билими кючлю, мингни джыгъар.
- Адеб этмеген, адеб кёрмез.
- Ариу сёз – къылычдан джити.
- Гыдай эчки суугъа къараб, мюйюзле кёрмесе, джашма алкъын, дегенди.
- Джылыгъа джылан илешир.
- Керти сёзге тёре джокъ.
- Къарын къуру болса, джюрек уру болур.
- Ач бёрюге мекям джокъ.
- Нёгер болсанг, тенг бол, тенг болмасанг, кенг бол.
- Ат да турмайды бир териде.
- Адамны сабийин сюйген джюреги, бычакъча, джитиди.
- Сакъалы текени да бар, мыйыгъы киштикни да бар.
- Джукъу тёшек сайламайды.
- Ойнай билмеген, оюн бузар.
- Билим къая тешер.
- Ишлерге уял да, ашаргъа табма.
- Кюл тюбюндеги от кёрюнмейди.
- Джети тилни билген джети кишиди.
- Кюн – узун, ёмюр – къысха.
- Мураты болгъанны джюрек тебюую башхады.
- Артына баргъанны, къатына барма.
- Къууут – джелге, берне – бошха.
- Итли къонакъ джарашмаз.
- Битмегеннге сакъал – танг.
- Байдан умут эте, джарлыдан ёгюз багъасы къорады.
- Адам боллукъ, атламындан белгили болур.
- Джарашыу сюйген – джалынчакъ.
ТЫШЫНДА АХЛУЛАРЫБЫЗ
06.08.2010 01:21:39
Хоу тюз айтасыз.Нарсанадан Лабагъа дери джерибизге къазыкъ уруб бегитмесек къолубуздан кетгенча тюл, керти къорарыкъды
|
|
|
|
Читают тему (гостей: 1)