- Сагъыш – къартлыкъгъа сюйюмчю.
- Билген билмегенни юретген адетди.
- Хоншуну тауугъу къаз кёрюнюр, келини къыз кёрюнюр.
- Ичимден чыкъды хата, къайры барайым сата?
- Сёз сёзню айтдырыр.
- Эринчекни эр алмаз, эр алса да, кёл салмаз, кёл салса да, кёб бармаз!
- «Ёгюз, джаргъа джууукъ барма, меннге джюк боллукъса», - дегенди эшек.
- Шайтан алдады, тюзлюк къаргъады.
- Тойгъа алгъа да барма, тойда артха да къалма.
- Тыш элде солтан болгъандан эсе, кесинги элде олтан болгъан игиди!
- Кёзюнде тереги болгъан, чёбю болгъаннга кюле эди.
- Кёлю джокъну – джолу джокъ.
- Битмегеннге сакъал – танг.
- Керек ташны ауурлугъу джокъ.
- Сакъалы текени да бар, мыйыгъы киштикни да бар.
- Ёзденликни джайгъан – джокълукъ.
- Билимсиз иш бармаз.
- Джиби бир къат джетмей эди да, эки къат тарта эди.
- Уллу сёлешме да, уллу къаб.
- Къар – келтирди, суу – элтди.
- Билим насыб берир, билим джолну керир.
- Сёз садакъдан кючлюдю.
- Хар ишни да аллы къыйынды.
- Эринчекге кюн узун.
- Адам сёзге тынгыла, акъыл сёзню ангыла.
- Кёкдеги болмаса, джердегин кёрмейди.
- Тас болгъан бычакъны сабы – алтын.
- Джашлыкъ этмеген, башлыкъ этмез.
- Ишлегенден, къарагъан уста.
- Этни да ашады, бетни да ашады.
- Эки къатын алгъан – эки ташны ортасына башын салгъан.
- Аман адам этегингден тутса, кес да къач.
- Бетинги сатма, малынгы сат.
- Ауузу бла къуш тута айланады.
- Шекер бла туз – бир болмаз, ушамагъан – юй болмаз.
- Ариу сёз – къылычдан джити.
- Таш бла ургъанны, аш бла ур.
- Сютню башын джалагъан къутулур, тюбюн ичген тутулур.
- Айырылмаз джууугъунга, унутмаз сёзню айтма.
- Ётген ёмюр – акъгъан суу.
- Биреу ашаб къутулур, биреу джалаб тутулур.
- Ана къойну – балагъа джандет.
- Ат басханны джер билед.
- Азыкълы ат арымаз, къатыны аман джарымаз.
- Аман эсирсе, юйюн ояр.
- Сабыр джетер муратха, сабырсыз къалыр уятха.
- Тёзген – тёш ашар!
- Иги болса, тамадама – махтау, аман болса, меннге – айыб.
- Туз, гырджын аша, тюзлюк бла джаша.
- Игиге айтсанг – билир, аманнга айтсанг – кюлюр.
семья Къарчи
|
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
|
Назир джазганды деп, Назир'ни юсюнден интернетте караганем. Кечмеклик тилейме. ДЖангыдан бек сауболугуз, тюзелттигиз.|
Tinibek
Къыйынсыз болугъуз, ашхы кечели.  |
|
|
|
|
|
|
|
|
|
|
Читают тему (гостей: 1)