- Кёлю джокъну – джолу джокъ.
- Ойнай билмеген, оюн бузар.
- Джарлы тюеге минсе да, ит къабар.
- Къаллай салам берсенг, аллай джууаб алырса.
- Атлыны кёрсе, джаяуну буту талыр.
- Аманны къуугъан, аманлыкъ табар.
- Джигер – джаннга къыйынлыкъ.
- Ауурну тюбю бла, дженгилни башы бла джюрюген.
- Айраннга суу къош, телиге джол бош.
- Адамны джюреги нени кёрюрге сюйсе, кёзю да аны кёрюрге ёч болады.
- Акъылсызны джууукъгъа алма, акъыллыны кенгнге салма.
- Аурууну келиую тынч, кетиую – къыйын.
- Эр сокъур болсун, къатын тилсиз болсун.
- Адеби болмагъан къыз – тузсуз хант.
- Таула не мийик болсала да, аууш табылыр.
- Иги сёз – джаннга азыкъ, аман сёз башха – къазыкъ.
- Тойгъан джерге джети къайт.
- Джарлыны тону джаз битер.
- Таш ата билмеген, башына урур.
- Адам сёзюнден белгили.
- Тюзню ётмеги тюзде къалса да, тас болмаз.
- Ёзденликни джайгъан – джокълукъ.
- Эрни эр этерик да, къара джер этерик да, тиширыуду.
- Адамны аманы адамны бети бла ойнар.
- Ашын ашагъанынгы, башын да сыйла.
- Сакъ юйюне сау барыр.
- Юй ишлеген балта эшикде къалыр.
- Ёлген аслан – сау чычхан.
- Айырылгъанланы айю ашар, бёлюннгенлени бёрю ашар.
- Юйюнг бла джау болгъандан эсе, элинг бла джау бол.
- Билмейме деген – бир сёз
- Байлыкъдан саулукъ ашхыды.
- Къумурсхала джыйылсала, пилни да джыгъадыла.
- Арбаз сайлама да, хоншу сайла.
- Азыкълы ат арымаз, къатыны аман джарымаз.
- Айтылгъан сёз ызына къайтмаз.
- Мураты болгъанны джюрек тебюую башхады.
- Тили узунну, намысы – къысха.
- Босагъагъа джууукъ орун болса, ашыгъыб тёрге озма.
- Кечеси – аяз, кюню – къыш, джарлы къаргъагъа бир аш тюш!
- Адамны бетине къарама, адетине къара.
- Джюрекге ариу – кёзге да ариу.
- Къонакъ хазыр болгъанлыкъгъа, къонакъбай хазыр тюлдю.
- Къуру гыбыт бек дыгъырдар.
- Аман киши кеси юйюнде – къонакъ.
- Шекер бла туз – бир болмаз, ушамагъан – юй болмаз.
- Зар адам ашынгы ашар, кесинги сатар.
- Окъугъан озар, окъумагъан тозар.
- Байлыкъ адамны сокъур этер.
- Къуллукъчума, деб махтанма, къуллукъ – хаух джамчыды!
семья Къарчи
26.02.2011 02:04:27
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
26.02.2011 03:32:23
Tinibek
Къыйынсыз болугъуз, ашхы кечели. |
|
|
|
28.02.2011 17:33:46
|
|
|
|
Читают тему (гостей: 1)