- Иги болса, тамадама – махтау, аман болса, меннге – айыб.
- Къонакъны къачан кетерин сорма, къачан келлигин сор.
- Биреуню къыйынлыгъы бла кесинге джол ишлеме.
- Борчунг бар эсе, хурджунунга ойлаб узал.
- Къыз келсе, джумуш эте келеди, къатын келсе, ушакъ эте келеди.
- Ишленмеген джаш – джюгенсиз ат, ишленмеген къыз – тузсуз хант.
- Мени джылытмагъан кюн, меннге тиймесин!
- Къобан да къуру да къобханлай турмайды, адам да къуру да патчахлай турмайды.
- Байны оноуу, джарлыгъа джарамаз.
- Кимни – тили, тиши онглу, кимни – къолу, иши онглу.
- Билим къая тешер.
- Ат да турмайды бир териде.
- Ханы къызы буюгъа-буюгъа киштик болду.
- Ана къолу ачытмаз.
- Тилчи тилден къаныкъмаз.
- Акъыл сабырлыкъ берир.
- Болджал ишни бёрю ашар.
- Чомартха хар кюн да байрамды.
- Акъыллы – эл иеси, тели – эл баласы.
- Тюзлюк тас болмайды.
- Айранын берсенг, челегин да къызгъанма.
- Ашхы – джыяр, аман – джояр.
- Къуру гыбыт бек дыгъырдар.
- Чалманны аллы къалай башланса, арты да алай барады.
- Танг атмайма десе да, кюн къоярыкъ тюйюлдю.
- Къарнынг ауруса, ауузунгу тый
- Хоншуну тауугъу къаз кёрюнюр, келини къыз кёрюнюр.
- Нарт сёз – тилни бети.
- Тёгюлген тюгел джыйылмайды.
- Эли джокъну – кёлю джокъ.
- Ичимден чыкъды хата, къайры барайым сата?
- Ач къалгъандан, кеч къалгъан къолай.
- Джылыгъа джылан илешир.
- Къанны къан бла джуума, аманны аман бла къуума.
- Джарлы джети элни сёзюн этер.
- Хунаны тюбюн къазсанг, юсюнге ауар.
- Къайтырыкъ эшигинги, къаты уруб чыкъма.
- Къонакъ хазыр болгъанлыкъгъа, къонакъбай хазыр тюлдю.
- Адамны артындан къара сабан сюрме.
- Татлы тилде – сёз ариу, чемер къолда – иш ариу.
- Джырчы джырчыгъа – къарнаш.
- Тилсиз миллет джокъ болур.
- Башсыз урчукъ тюзюне айланмаз.
- Ач, тоймам, дейди, тойгъан, ач болмам, дейди.
- Джол бла сёзню къыйыры джокъ.
- Акъыллы айтыр эди, акъылсыз къоймайды.
- Ауругъанны сау билмез, ач къарынны токъ билмез.
- Этни да ашады, бетни да ашады.
- Эр сокъур болсун, къатын тилсиз болсун.
- Къарны аманнга къазан такъдырма, къолу аманнга от джакъдырма.
семья Къарчи
|
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
|
Назир джазганды деп, Назир'ни юсюнден интернетте караганем. Кечмеклик тилейме. ДЖангыдан бек сауболугуз, тюзелттигиз.|
Tinibek
Къыйынсыз болугъуз, ашхы кечели.  |
|
|
|
|
|
|
|
|
|
|
Читают тему (гостей: 2)