- Чомарт къонакъ юй иесин сыйлар.
- Кюлме джашха – келир башха.
- Джахил болса анасы, не билликди баласы?
- Ашаса, ашамаса да, бёрюню ауузу – къан.
- Тил бла келеди джыр да.
- Айырылмаз джууугъунга, унутмаз сёзню айтма.
- Келлик заман – къартлыкъ келтирир, кетген заман – джашлыкъ ёлтюрюр.
- Билимсиз иш бармаз.
- Джыгъылгъанны сырты джерден тоймаз.
- Уллу къазанда бишген эт, чий къалмаз.
- Кийимни бир кюнню аясанг, минг кюннге джарар.
- Огъурлуну сёзю – суу, огъурсузну сёзю – уу.
- Адеб джокъда, намыс джокъ.
- Кечеси – аяз, кюню – къыш, джарлы къаргъагъа бир аш тюш!
- Кёзню ачылгъаны – иги, ауузну джабылгъаны – иги.
- Эки къатын алгъанны къулагъы тынгнгаймаз.
- Чабакъ башындан чирийди.
- Джарлыны эшигин махтагъан джабар.
- Ханы къызы буюгъа-буюгъа киштик болду.
- Адам къаллай бир ишленмесе, аллай бир кесин уллу кёреди.
- Ушамагъан – джукъмаз.
- Ашлыкъны арба юйге келтирир, чана базаргъа элтир.
- Баланы адам этген анады.
- Илму – джашауну джолу.
- Бойнуму джети джерден кессенг да, мен ол ишни этеллик тюлме.
- Болджал ишни бёрю ашар.
- Арпа, будай – ащды, алтын, кюмюш а – ташды.
- Арбаз къынгырды да, ийнек сауалмайма.
- Аман адам элни бир-бирине джау этер.
- Чоюнну башы ачыкъ болса, итге уят керекди.
- Ариу сёз – къылычдан джити.
- Джолда аягъынга сакъ бол, ушакъда тилинге сакъ бол.
- Джарлы джети элни сёзюн этер.
- Чакъырылмай келген къонакъ сыйланмай кетер.
- Кёрмегеннге кебек – танг, битмегеннге сакъал – танг.
- Джырчы ёлсе, джыры къалыр.
- Акъыллы эркиши атын махтар, акъылсыз эркиши къатынын махтар.
- Эр сокъур болсун, къатын тилсиз болсун.
- Таукел тауну аудурур.
- Киштикге къанат битсе, чыпчыкъ къалмаз эди.
- Юй кюйдю да, кюйюз чыкъды, ортасындан тюйюш чыкъды.
- Миллетни бойну – базыкъ, аны бла кюрешген – джазыкъ.
- От кюйдюрген, сау болса да, тот кюйдюрген, сау болмаз.
- Ёксюзню тилеги къабыл болур.
- Акъыл къартда, джашда тюйюлдю – башдады.
- Хар ишни да аллы къыйынды.
- Эки ойлашыб, бир сёлешген.
- Ач бёрюге мекям джокъ.
- Байлыкъ тауусулур, билим тауусулмаз.
- Борчунг бар эсе, хурджунунга ойлаб узал.
семья Къарчи
|
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
|
Назир джазганды деп, Назир'ни юсюнден интернетте караганем. Кечмеклик тилейме. ДЖангыдан бек сауболугуз, тюзелттигиз.|
Tinibek
Къыйынсыз болугъуз, ашхы кечели.  |
|
|
|
|
|
|
|
|
|
|
Читают тему (гостей: 1)