- Къазанны башы ачыкъ болса, итге уят керекди.
- Ариу сёз джыланны орнундан чыгъарыр.
- Сууда джау джокъ, кёб сёзде магъана джокъ.
- Айыбны суу бла джууалмазса.
- Аурууну келиую тынч, кетиую – къыйын.
- Гитче джилтин уллу элни джандырыр.
- Кёз – сюйген джерде, къол – ауругъан джерде.
- Ана кёлю – балада, бала кёлю – талада.
- Ёксюзню къалачы уллу кёрюнюр.
- Кёб джат да, бек чаб.
- Ата Джуртун танымагъан, атасын да танымаз.
- Эркишиге тары кебек танг кёрюнюр.
- Шапа кёб болса, аш татымсыз болур.
- Мени джылытмагъан кюн, меннге тиймесин!
- Ауругъан – джашаудан умутчу.
- Намыс болмагъан джерде, насыб болмаз.
- Ойнай билмеген, уруб къачар.
- Магъанасыз сёз – тауушсуз сыбызгъы.
- Акъыллы – эл иеси, тели – эл баласы.
- Джарлыны тону джаз битер.
- Аман эсирсе, юйюн ояр.
- Атлыны кёрсе, джаяуну буту талыр.
- Болджал ишни бёрю ашар.
- Тойгъа барсанг, тоюб бар, эски тонунгу къоюб бар.
- Ашарыкъда сайлагъаннга – чий гырджын.
- Абынмазлыкъ аякъ джокъ, джангылмазлыкъ джаякъ джокъ.
- Суу да къайтады чыкъгъан джерине.
- Кёл – къызбай, къол – батыр.
- Эл ауузу – элия.
- Таугъа чыгъаллыкъ эсенг, тюзде къалма.
- Аууздан келген, къолдан келсе, ким да патчах болур эди.
- Ётюрюкден тюбю джокъ, кёлтюрюрге джиби джокъ.
- Ана къолу ачытмаз.
- Айран тёгюлсе, джугъусу къалыр.
- Харам къарнашдан, халал тенг ашхы.
- Иги сеники эсе да, сюйген кесимикин этеме.
- Эки къатын алгъанны къулагъы тынгнгаймаз.
- Орну джокъну – сыйы джокъ.
- Джашынгы кесинг юретмесенг, джашау юретир.
- Ханы къызы буюгъа-буюгъа киштик болду.
- Атадан ёксюз – бир ёксюз, анадан ёксюз – эки ёксюз.
- Ишлемеген – тишлемез.
- Уллу къазанда бишген эт, чий къалмаз.
- Намыс сатылыб алынмайды.
- Тилсиз миллет джокъ болур.
- Бек ашыкъгъан меннге джетсин, дегенди аракъы.
- Джарлы эскисин джамаса, къууаныр.
- Тёрдеги кюлсе, эшикдеги ышарыр.
- Къызын тута билмеген, тул этер, джашын тута билмеген, къул этер.
- Азыкълы ат арымаз, къатыны аман джарымаз.
семья Къарчи
26.02.2011 02:04:27
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
26.02.2011 03:32:23
Tinibek
Къыйынсыз болугъуз, ашхы кечели. |
|
|
|
28.02.2011 17:33:46
|
|
|
|
Читают тему (гостей: 2)