- Бетинги сатма, малынгы сат.
- Билимли ёлмез, билимсиз кёрмез.
- Ач къарынны, токъ билмез
- Айранын берсенг, челегин да къызгъанма.
- Сангырау къулакъ эл бузар.
- Джаным-тиним – окъуу, билим.
- Уллу айтханны этмеген – уллаймаз.
- Керти сёзге тёре джокъ.
- Ачны эсинде – аш.
- Туз, гырджын аша, тюзлюк бла джаша.
- Терек ауса, отунчу – кёб.
- Тыш элде солтан болгъандан эсе, кесинги элде олтан болгъан игиди!
- Тилде сюек болмаса да, сюек сындырыр.
- Ач келгенни – тойдур, кеч келгенни – къондур.
- Накъырда – кертини келечиси.
- Адамны сабийин сюйген джюреги, бычакъча, джитиди.
- Ариу – кёзге, акъыл – джюрекге.
- Тили узунну, намысы – къысха.
- Аш берме да, къаш бер.
- Ётюрюкню башын керти кесер.
- Джиби бир къат джетмей эди да, эки къат тарта эди.
- Аман къатын алгъан, арыр, иги къатын алгъан джарыр.
- Берекет берсин деген джерде, берекет болур.
- Сакъалы текени да бар, мыйыгъы киштикни да бар.
- Къатын байлыкъны сюер, эр саулукъну сюер.
- Мураты болгъанны джюрек тебюую башхады.
- Ариу сёз – къылычдан джити.
- Гырджын – тепсини тамадасы.
- Башда акъыл болмаса, эки аякъгъа кюч джетер.
- Артына баргъанны, къатына барма.
- Аш хазыр болса, иш харам болур.
- Тюкюрюк баш джармаз, налат кёз чыгъармаз!
- Кютгени беш эчки, сызгъыргъаны уа, джерни джарады.
- Мен да «сен», дейме, сен да «кесим», дейсе.
- Джумушакъ терекни къурт ашар.
- Джолда аягъынга сакъ бол, ушакъда тилинге сакъ бол.
- Кёзю сокъурдан – къоркъма, кёлю сокъурдан – къоркъ.
- Ариу сёзде ауруу джокъ.
- Джерни букъусу кёкге къонмаз.
- Садакъачыны джаны – къапчыгъында.
- Тиширыусуз юй – отсуз от джагъа.
- Айранны сюйген, ийнек тутар.
- Адам туугъан джеринде, ит тойгъан джеринде.
- Тойгъан джерге джети къайт.
- Тилсиз миллет джокъ болур.
- Айырылмаз джууугъунга, унутмаз сёзню айтма.
- Окъ къызбайны джокълайды.
- Чабакъсыз кёлге къармакъ салгъанлыкъгъа, чабакъ тутмазса.
- Халкъны юйю – туугъан джери.
- Къарын къуру болса, джюрек уру болур.
семья Къарчи
26.02.2011 02:04:27
Новенькая
Русча бек аз билеме. Китапны Ингилиздже'ге транслате етип окурга кюрешкенем. Базы джерлери Русча, базы джерлери (назмула) КЪарачай тилде джазылганды. КЪарчаланы Атайтмаз хапарга кёп сейир еткенем, кёблеге де сорганем. ДЖерин зат да айтады. Белки ол елледе джашаган картла анга ушаган хапарла да ешиткен болуреле. |
|
|
|
26.02.2011 03:32:23
Tinibek
Къыйынсыз болугъуз, ашхы кечели. |
|
|
|
28.02.2011 17:33:46
|
|
|
|
Читают тему (гостей: 1)