Бермеген къол, алмайды.
Аманнга алтын чыдамаз.
Аманны эки битли тону болур, бирин сеннге кийдирир, бирин кеси киер.
Ашхы атаны – джашы ашхы, ашхы ананы – къызы ашхы.
Кюл тюбюндеги от кёрюнмейди.
Эрни эр этерик да, къара джер этерик да, тиширыуду.
«Ма», - дегенни билмесенг, «бер», - дегенни билмезсе.
Телиге от эт десенг, юйюнге от салыр.
Тёрени джагъы джокъ.
Этим кетсе да, сюегим къалыр.
Уллу сёлешме да, уллу къаб.
Таякъ этден ётер, тил сюекден ётер.
Ким бла джюрюсенг, аны кёзю бла кёрюнюрсе.
Босагъагъа джууукъ орун болса, ашыгъыб тёрге озма.
Термилгенинги табмазса, кюлгенинге тюберсе.
Ашлыкъ – бюртюкден, джюн – тюкден.
Ишлегенден, къарагъан уста.
Бек анасы джыламаз.
Ашда уялгъан – мухар, ишде уялгъан – хомух.
Сыфатында болмагъаны, суратында болмаз.
Айтхан – тынч, этген – къыйын.
Бет бетге къараса, бет да джерге къарар.
Ашлыкъны арба юйге келтирир, чана базаргъа элтир.
Кёз – сюйген джерде, къол – ауругъан джерде.
Юре билмеген ит, къонакъ келтирир.
Тик ёргени, тик энгишгеси да болады.
Аууздан келген, къолдан келсе, ким да патчах болур эди.
Ашда – бёрю, ишде – ёлю.
Къыз чыгъаргъан – къызыл къымжа.
Азыкълы ат арымаз, къатыны аман джарымаз.
Джолунга кёре – джюрюшюнг, джагъанга кёре – юлюшюнг.
Этек чакъмакълары баш джаргъан, сёлешген сёзлери таш джаргъан.
Ёпкелегенни ашы татлы болады.
Аман хансны – урлугъу кёб.
Ата Джуртун танымагъан, атасын да танымаз.
Шайтан алдады, тюзлюк къаргъады.
Бойнуму джети джерден кессенг да, мен ол ишни этеллик тюлме.
Къайгъы тюбю – тенгиз.
Къая джолда джортма, ачыкъ сёзден къоркъма.
Ашхы тенг джолгъа салыр, аман тенг джолдан тайдырыр.
Ашатыргъа иш – ашхы, ишлетирге аш – ашхы.
Намысы болмагъанны, сыйы болмаз.
Эркишиге тары кебек танг кёрюнюр.
Байлыкъ болгъан джерде, тынчлыкъ джокъду.
Тенгинг джокъ эсе – изле, бар эсе – сакъла!
Тилчи тилден къаныкъмаз.
Джюрек кёзден алгъа кёрюр.
Терслик кетер, тюзлюк джетер.
Къошда джокъгъа – юлюш джокъ.
Аз сёлешген, къайгъысыз турур.
Пока интернет пополняется подобными роликами,позитив отдыхает...