Ишлемеген – тишлемез.
Нёгерсизни джолу узун.
Эм уллу байлыкъ – джан саулукъ.
Джан саулукъ бермей, сан саулукъ бермезсе.
Ата джурт – алтын бешик.
Эринчекни эр алмаз, эр алса да, кёл салмаз, кёл салса да, кёб бармаз!
Сакъалы текени да бар, мыйыгъы киштикни да бар.
Ойнай-ойнай кёз чыгъар.
Тамчы таш тешер.
Таякъ этден ётер, тил сюекден ётер.
Джарлы тюеге минсе да, ит къабар.
Уясында не кёрсе, учханында аны этер.
Аурууну келиую тынч, кетиую – къыйын.
Биреуню къыйынлыгъы бла кесинге джол ишлеме.
Аякъларынгы джууургъанынга кёре узат.
Эл элде бирер малынг болгъандан эсе, бирер тенгинг болсун.
Ургъан суудан башынгы сакъла.
Борчунг бар эсе, хурджунунга ойлаб узал.
Халкъгъа джарагъан, джарлы къалмаз.
Ана – юйню кюн джарыгъы.
Эртде тургъан бла эртде юйленнген сокъуранмаз.
Сёз сёзню айтдырыр.
Тас болгъан бычакъны сабы – алтын.
Ёгюзню мюйюзлери ауурлукъ этмейдиле.
Къатыны харакетли болса, эри къымсыз болур.
Гыдай эчки суугъа къараб, мюйюзле кёрмесе, джашма алкъын, дегенди.
Ёзденликни кёбю ётюрюк.
Телиге от эт десенг, юйюнге от салыр.
Биреуню эскиси биреуге джангы болмайды.
Нёгер болсанг, тенг бол, тенг болмасанг, кенг бол.
Эки ойлашыб, бир сёлешген.
Аджал соруб келмез, келсе, къайтыб кетмез.
Рысхы – насыбха къор.
Туз, гырджын аша, тюзлюк бла джаша.
Ачлыкъ отха секиртир.
Рысхы – сют юсюнде кёмюк кибикди.
Къарын къуру болса, джюрек уру болур.
Юре билмеген ит, къонакъ келтирир.
Аш кетер да бет къалыр.
Aдам боллукъ, сыфатындан белгили.
Кийимни бир кюнню аясанг, минг кюннге джарар.
Аманны эки битли тону болур, бирин сеннге кийдирир, бирин кеси киер.
Кесинге джетмегенни, кёб сёлешме.
Чомартны къолун джокълукъ байлар.
Кийимни бичсенг, кенг бич, тар этген къыйын тюлдю.
Татлы тилде – сёз ариу, чемер къолда – иш ариу.
Кенгеш болса, уруш болмаз.
Термилгенинги табмазса, кюлгенинге тюберсе.
Джеринден айырылгъан – джети джылар, джуртундан айырылгъан – ёлгюнчю джылар.
Таула не мийик болсала да, аууш табылыр.
Пока интернет пополняется подобными роликами,позитив отдыхает...