Эте билген, этген этеди, эте билмеген, юретген этеди!
Ёлмесенг да, къарт дамы болмазса?
Сакъалы текени да бар, мыйыгъы киштикни да бар.
Хатерли къул болур.
Ач отунчуну ачыуу – бурнунда.
Ата Джуртун танымагъан, атасын да танымаз.
Уллу суу бла уллу ауруудан башынгы сакъла.
Тилчи тилден къаныкъмаз.
Айранны сюйген, ийнек тутар.
Сууда джау джокъ, кёб сёзде магъана джокъ.
Къонагъы джокъну – шоху джокъ.
Таукелге нюр джауар.
Агъач – джерни чырайы, кийим – эрни чырайы.
Ишни аллы бла къууанма да, арты бла къууан.
Мухар, кеси тойса да, кёзю тоймаз.
Юйюнг бла джау болгъандан эсе, элинг бла джау бол.
Ачны эсинде – аш.
Тилчиден кери бол.
Къуру гыбыт бек дыгъырдар.
Адебни адебсизден юрен.
Тура эдим джата, къайдан чыкъды хата?
Хаухну атма, ёнгкючню сатма.
Ата джурт – алтын бешик.
Адам сёзюнден белгили.
Къууут – джелге, берне – бошха.
Эрине къаргъыш этген къатын, эрнин къабар.
Акъыллы – эл иеси, тели – эл баласы.
Бир онгсуз адам адет чыгъарды, деб эштирик тюлсе.
Адеб джокъда, намыс джокъ.
Гырджын – тепсини тамадасы.
Джети тилни билген джети кишиди.
Бюгюн дуния кибик, тамбла ахыратды.
Чакъырылмагъан къонакъ къачан кетерин сормаз.
Къайтырыкъ эшигинги, къаты уруб чыкъма.
Къонагъынгы артмагъын алма да, алгъышын ал.
Ач да бол, токъ да бол – намысынга бек бол.
Аманны къуугъан, аманлыкъ табар.
Бал ашаргъа сюе эсенг, чибин ургъаннга тёз.
Минг тенг да азды, бир джау да кёбдю.
Ёгюзню мюйюзюнден тутадыла, адамны сёзюнден тутадыла.
Кёз – сюйген джерде, къол – ауругъан джерде.
Ёгюзню мюйюзлери ауурлукъ этмейдиле.
Юре билмеген ит, къонакъ келтирир.
«Ма», - дегенни билмесенг, «бер», - дегенни билмезсе.
Байлыкъ келсе, акъыл кетер.
Аллахдан тилесенг, кёб тиле.
Насыблыны баласы кюн кюнден да баш болур, насыбсызны баласы, кюн кюнден да джаш болур.
Джашны джигитлиги сорулур, къызны джигерлиги сорулур.
Къралынгы – душмандан, башынгы от бла суудан сакъла.
Таукел къуру къалмаз.
Пока интернет пополняется подобными роликами,позитив отдыхает...