Джарлыны тону джаз битер.
Таугъа чыгъаллыкъ эсенг, тюзде къалма.
Халкъны джырын джырласанг, халкъ санга эжиу этер.
Чакъырылмагъан къонакъ – орунсуз.
Бозанг болмагъан джерге, къалагъынгы сукъма.
Чыбыкълыкъда бюгюлмеген, къазыкълыкъда бюгюлмей эди.
Эки къатын алгъан – эки ташны ортасына башын салгъан.
Байлыкъ тауусулур, билим тауусулмаз.
Адам бла мюлк юлешмеген эсенг, ол адамны билиб бошагъанма, деб кесинги алдама.
Джюрек кёзден алгъа кёрюр.
Дженгил джетерикме деб, узун джолну къоюб, къысхасын барма.
Атлыны кёрсе, джаяуну буту талыр.
Ач къарынны, токъ билмез
Арбаз къынгырды да, ийнек сауалмайма.
Къонакъ болсанг, ийнакъ бол.
Чомарт къолда мал къалмаз.
Адамны сыфатына къарама, сёзюне къара.
Ким бла джюрюсенг, аны кёзю бла кёрюнюрсе.
Джауумдан сора, кюн кюйдюрюр, ётюрюкден сора, айыб кюйдюрюр.
Сакъалы текени да бар, мыйыгъы киштикни да бар.
Ата Джуртун танымагъан, атасын да танымаз.
Керилген да, ургъан кибикди.
Башда акъыл болмаса, эки аякъгъа кюч джетер.
Тилчи бир сагъатха айлыкъ хата этер.
Бал чибинни ургъаны – ачы, балы – татлы.
Эри аманны, къатыны – аман.
Ёмюрлюк шохлукъну джел элтмез.
Мухар, кеси тойса да, кёзю тоймаз.
Хар ишни да аллы къыйынды.
Байны къызы баймакъ болса да, юйде къалмаз!
Эр сокъур болсун, къатын тилсиз болсун.
Уллу айтханны этмеген – уллаймаз.
Кийимни бичсенг, кенг бич, тар этген къыйын тюлдю.
Эрине къаргъыш этген къатын, эрнин къабар.
Джаным-тиним – окъуу, билим.
Башсыз урчукъ тюзюне айланмаз.
Кёб къычыргъандан – къоркъма, тынч олтургъандан – къоркъ.
Тилсиз миллет джокъ болур.
Гыдай эчки суугъа къараб, мюйюзле кёрмесе, джашма алкъын, дегенди.
Ашхы атаны – джашы ашхы, ашхы ананы – къызы ашхы.
Джюрекден джюрекге джол барды.
Тёрде – темир таякълы, къаяда – чыпчыкъ аякълы.
Тамчы таш тешер.
Чомарт джарлы болмаз.
Чакъырылмагъан джерге барма, чакъырылгъан джерден къалма.
Душманны тышы – акъ, ичи – къара.
Малны кют, джерни тюрт.
Адебни адебсизден юрен.
Эки элинги тыйсанг, джети элде махталырса.
Джуртун къоругъан озар.
Пока интернет пополняется подобными роликами,позитив отдыхает...