Чомартны къолун джокълукъ байлар.
Аджашханны ызындагъы кёреди, джангылгъанны джанындагъы биледи.
Алма терегинден кери кетмез.
Билимли ёлмез, билимсиз кёрмез.
Джашда акъыл джокъ, къартда къарыу джокъ.
Бозанг болмагъан джерге, къалагъынгы сукъма.
Акъдан къара болмаз.
Ётюрюк хапар аякъ тюбю бла джюрюйдю.
Ауурну тюбю бла, дженгилни башы бла джюрюген.
Ичимден чыкъды хата, къайры барайым сата?
Ачылгъан эт джабылыр, кёрген кёз унутмаз.
Элге къуллукъ этмеген, элге ие болмаз.
Тюз сёз баргъан сууну тыяр.
Тилчи бир сагъатха айлыкъ хата этер.
Къайтырыкъ эшигинги, къаты уруб чыкъма.
Уллу сёзде уят джокъ.
Кютгени беш эчки, сызгъыргъаны уа, джерни джарады.
Тойгъан джерге джети къайт.
Билими азны – ауузунда кирит.
Чомарт бергенин айтмаз.
Къыйынлы джети элни къайгъысын этер.
Кийимни бичсенг, кенг бич, тар этген къыйын тюлдю.
Туз, гырджын аша, тюзлюк бла джаша.
Аш берме да, къаш бер.
Ётюрюкчюню шагъаты – къатында.
Джолунга кёре – джюрюшюнг, джагъанга кёре – юлюшюнг.
Къызын тута билмеген, тул этер, джашын тута билмеген, къул этер.
Эркишиге тары кебек танг кёрюнюр.
Ач – эснер, ат – кишнер.
Джаралыны джастыгъында сау ёлюр.
Атлыны кёрсе, джаяуну буту талыр.
Таула не мийик болсала да, аууш табылыр.
Къартны бурнун сюрт да, оноугъа тут.
Джангыз терек къынгыр ёсер.
Алтыннга тот къонмаз.
Бойнуму джети джерден кессенг да, мен ол ишни этеллик тюлме.
Ана кёлю – балада, бала кёлю – талада.
Ашын ашагъанынгы, башын да сыйла.
Адеб джокъда, намыс джокъ.
Ашхы тенг джолгъа салыр, аман тенг джолдан тайдырыр.
Ариу сёз аурууунгу алыр.
Таугъа чыгъаллыкъ эсенг, тюзде къалма.
Юйлю уругъа ит чабмаз.
Таукел къуру къалмаз.
Эринчекни эр алмаз, эр алса да, кёл салмаз, кёл салса да, кёб бармаз!
Чомарт къонакъ юй иесин сыйлар.
Иги болса, тамадама – махтау, аман болса, меннге – айыб.
Нёгерсизни джолу узун.
Ишин билген, аны сыйын чыгъарады.
Игини сыйлагъан адетди.
Пока интернет пополняется подобными роликами,позитив отдыхает...